«Papiałuška z Tadžykistana» ździviła śviet svajoj pryhažościu FOTA i VIDEA
Apošni tydzień pałova śvietu abmiarkoŭvaje nadzvyčajnuju pryhažość žycharki Dušanbe, 19-hadovaj Muniry Mirzojevaj. Dziaŭčyna zajmajecca azielanieńniem rajona Šachmansur u tadžyckaj stalicy. Suśvietnuju słavu joj prynieśli zdymki, zroblenyja rumynskim fatohrafam Michaełaj Norak.
Spadarynia Norak padarožničaje pa ŭsim śviecie, zdymajučy ludziej dla prajekta «Atłas pryhažości». Jaje meta raskryć žanočuju pryhažość ź luboha kutka śvietu. Nie tak daŭno jana pabyvała ŭ Dušanbe.
Muniru Mirzojevu ŭžo achryścili «tadžyckaj papiałuškaj». Jaje foty aŭtarstva Michaeły Norak nabirajuć tysiačy łajkaŭ u sacyjalnych sietkach.
Jak daviedalisia žurnalisty i błohiery, Munira źjaŭlajecca adzinaj karmilicaj u siamji ź siami čałaviek. Paśla škoły jana maryła pastupić va ŭniviersitet na miedyka, adnak u siamji nie znajšłosia na heta hrošaj. Tym nie mienš panienka kaža, što hanarycca svajoj pracaj, bo sumlenna zarablaje hrošy.
U siarednim jana zarablaje ŭ miesiac 110 dalaraŭ. Časam byvajuć vypłaty premijalnych.
«Kali b maje baćki dazvolili, to ja b chacieła pryniać udzieł u konkursie pryhažości za miažoj, ale jany nie dazvolać nikoli. Maje baćki bajacca adpuścić mianie navat u karacieńkuju pajezdku. Ja pravodžu ŭvieś volny čas z rydloŭkaj i hrablami. Maje najlepšyja siabry – kalehi-sadoŭniki», - skazała Munira ŭ intervju.
U fejsbuku ŭžo pačaŭsia zbor srodkaŭ na toje, kab «tadžyckaja papiałuška» zmahła atrymać vyšejšuju adukacyju. Na dadzieny momant užo sabrana 1650 dalaraŭ, ale arhanizatary spadziajucca davieści hetuju sumu da 10 tysiač.
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami8
Kamientary