Pavodle hazety, u siońniašniaj sytuacyi Ŭkraina prademanstravała biesprecedentnuju žorstkaść. «Hazprom» nia vystajaŭ pierad pahrozaj zryvu eŭrapiejskich kantraktaŭ i źniaŭ abmiežavańni pa pastaŭkach hazu biez usialakich umovaŭ.
Pavodle hazety, u siońniašniaj sytuacyi Ŭkraina prademanstravała biesprecedentnuju žorstkaść. «Hazprom» nia vystajaŭ pierad pahrozaj zryvu eŭrapiejskich kantraktaŭ i źniaŭ abmiežavańni pa pastaŭkach hazu biez usialakich umovaŭ.
Hazavaja vajna Rasiei i Ŭkrainy prypynienaja, piša «Kommiersant». «Hazprom» nia vystajaŭ pierad pahrozaj zryvu eŭrapiejskich kantraktaŭ i źniaŭ abmiežavańni pa pastaŭkach hazu va Ŭkrainu biez usialakich umovaŭ. Rasiejskaja manapolija pahadziłasia, što atrymany ŭ hetym hodzie Ŭkrainaj haz budzie apłačvacca pa $179,5 za 1 tys. kubametraŭ. Ukraina ŭsiaho tolki pahadziłasia praciahnuć pieramovy. U «Hazpromie» spadziajucca ŭsio-tki damahčysia sastupak z boku Kijeva. Ale dahetul usie pieramovy bakoŭ nie davali plonu, a Ŭkraina ŭ siońniašniaj sytuacyi prademanstravała biesprecedentnuju žorstkaść. Eksperty vydańnia miarkujuć, što Ŭkraina dobra padrychtavanaja da žorstkich stasunkaŭ z «Hazpromam» i maje nia horšy nabor instrumentaŭ dla viadzieńnia pieramovaŭ i handlu.
Nahadajem chroniku apošniaj ukrainska-rasiejskaj hazavaj vajny.
26 lutaha aficyjny pradstaŭnik «Hazpromu» Siarhiej Kupryjanaŭ paviedamiŭ, što 3 sakavika z 10:00 u suviazi ź niepłaciažami za haz chołdynh skarocić pastaŭki dla spažyŭcoŭ Ukrainy na 25%.
3 sakavika rasiejskaja manapolija vykanała svajo abiacańnie — pastaŭki hazu va Ŭkrainu byli skaročanyja na 25% (pavodle ŭkrainskaha boku — na 35%). Pry hetym «Hazprom» vystaviŭ novy ŭltymatum — u vypadku niavypłaty Ŭkrainie paabiacali skaracić pastaŭki hazu jašče na čverć. Sa svajho boku NAK «Naftahaz-Ukraina» vystupiŭ z zajavaj, što abmiežavańnie pastavak hazu va Ŭkrainu supiarečyć hałoŭnamu pryncypu techničnych umovaŭ uzajemaadnosinaŭ pamiž kampanijami ŭ hazavaj sfery. Kampanija harantavała pry hetym bieśpierabojny tranzyt dla eŭrapiejskich spažyŭcoŭ datul, pakul heta nia budzie pahražać enerhietyčnaj biaśpiecy Ŭkrainy.
4 sakavika pres-słužba «Hazpromu» źvinavaciła Ŭkrainu u niesankcyjanavanym adbory hazu. Nibyta tolki za sutki było adabrana 104 młn kub. m hazu, što składaje kala 70 % sutačnaha abjomu pastavak. U adkaz rasiejcy ŭ toj ža dzień skaracili pastaŭki hazu na 25%. Hazieta.ru pryviała słovy rasiejskich analitykaŭ Alaksieja Makarkina i Dźmitryja Abzałava pra toje, što ŭ «Hazpromu» źjaviŭsia šaniec davieści niazdolnaść Ukrainy vykonvać svaje abaviazki pa bieśpierabojnym tranzycie rasiejskaha hazu ŭ Zachodniuju Eŭropu. Bieskampramisnaść chołdynhu pavinna prademanstravać biessensoŭnaść handlu ŭ pytańniach vyznačeńnia cenaŭ na haz inšym udzielnikam rynku, i Biełarusi ŭ tym liku. Biełaruski bok admoviŭsia ad kamentaroŭ navat paśla taho, jak ahienctva «Interfaks» raspaŭsiudziła infarmacyju pra štodzionnyja straty «Biełtranshazu» u pamiery $140 tys.
5 sakavika NAK «Naftahaz-Ukraina» zajaviŭ pra svoj asymetryčny adkaz rasiejskaj kampanii — skaračeńnie pastavak hazu dla eŭrapiejskich spažyŭcoŭ na 60 młn kubametraŭ. Paźniej kiraŭnica ŭkrainskaha ŭradu Julija Cimašenka zajaviła, što eŭrapiejcy atrymajuć svoj haz u poŭnym abjomie, adnak «Hazpram» paličyŭ za lepšaje adnavić pastaŭki hazu va Ŭkrainu biez usialakich umovaŭ.
Hiendyrektar «Biełtranshazu» Ŭładzimier Majoraŭ, kamentujučy sytuacyju z abmiežavańniem Rasiejaj pastavak hazu va Ŭkrainu, adznačyŭ, što tranzyt hazu praz terytoryju Biełarusi skaraciŭsia niaznačna. Kankretnyja ličby strataŭ kiraŭnik «Biełtranshazu» nie ahučyŭ.
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary