Centrvybarkam apublikavaŭ dekłaracyi ab dachodach kandydataŭ u prezidenty, u tym liku Alaksandra Łukašenki.
Letaś ahulny zarobak kiraŭnika dziaržavy skłaŭ 551 761 258 rubloŭ. Takim čynam, siaredniemiesiačny dachod — kala 46 miljonaŭ. U dalaravym ekvivalencie heta $4500.
Dla paraŭnańnia, u 2009 hodzie siaredniemiesiačny dachod Łukašenki składaŭ 7,88 miljona rubloŭ. Pa tahačasnym kursie heta było $2821.
U 2005 hodzie ličba składała 4,93 miljona rubloŭ ($2289).
Nieruchomaści i kaštoŭnych papier piersanalna na Alaksandra Łukašenku pa-raniejšamu nie zapisana. Nie ŭklučany ŭ śpis i «Majbach» — zvyšdarahi aŭtamabil, jaki nibyta byŭ atrymany ŭ padarunak»
Z členaŭ siamji ŭ jahonuju dekłaracyju zapisanaja tolki žonka Halina. Jaje siaredniemiesiačny dachod letaś skłaŭ 8,2 miljona rubloŭ — $801.
U paraŭnańni z papiarednimi dekłaracyjami jana pabahacieła — raniej Halina Łukašenka mieła $311 (u 2005) i $477 (u 2009) miesiačnaha dachodu.
Joj pa-raniejšamu naležać žyły dom u Škłovie, pałova doma ŭ vioscy Vialiki Miežnik, a taksama 56 akcyj AAT «Masłarobny zavod».
Źviartaje ŭvahu taksama, što i Hajdukievič, i Ułachovič, i žonki kožnaha ź ich mieli ŭ 2014-m prykładna adnolkavy dachod — kala 2000 dalaraŭ za miesiac.
* * *
Čytajcie taksama:
Apublikavanyja dekłaracyi pra dachody kandydataŭ u prezidenty Biełarusi
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary