Čarhovaja ataka BPŁA na Rasiju — harać dźvie naftabazy, u Tahanrohskim zalivie paškodžany tankiery
U noč na 9 lipienia šerah rasijskich rehijonaŭ patrapiŭ pad ataku bieśpiłotnikaŭ. Vynikam nalotu dronaŭ stali bujnyja pažary na paliŭnych abjektach i čarhovyja paškodžańni marskich sudoŭ.
U Špakaŭskim municypalnaj akruzie Staŭrapolla, pavodle analizu ASTRA, paśla vybuchaŭ zaharełasia naftabaza kala chutara Viaźniki. Tam bujny vuzieł dla zachoŭvańnia i pieravałki bienzinu i dyzielnaha paliva. Pieršapačatkova paviedamlałasia pra pažar na susiedniaj bazie «ŁUKOJŁ-Juhnieftieprodukt» u Michajłaŭsku, jakaja znachodzicca ŭsiaho za kiłamietr, adnak paźniej infarmacyju ŭdakładnili.
Miascovyja ŭłady paćvierdzili, što ahoń dabraŭsia da reziervuaraŭ z haručymi materyjałami, a sam pažar uzmacniŭsia.
Z-za pahrozy raspaŭsiudžvańnia ahniu žycharoŭ najbližejšaj vulicy terminova evakuirujuć u punkty časovaha raźmiaščeńnia.
U Ćviery paśla načnoha nalotu BPŁA zahareŭsia adzin z reziervuaraŭ pradpryjemstva «Tviarskaja naftabaza» (daččynaja kampanija «Surhutnaftahaza»). Hety abjekt zabiaśpiečvaje palivam sietku z bolš jak paŭsotni AZS u vobłaści. Kiraŭnik rehijona zajaviŭ, što pažar užo łakalizavany, a siarod piersanału i cyvilnaha nasielnictva paciarpiełych niama.
Rastoŭskaja vobłaść: paŭtorny ŭdar pa tankierach
U Rastoŭskaj vobłaści, pavodle zajavy miascovych uładaŭ, za noč źniščyli bolš za dvaccać bieśpiłotnikaŭ. Tym nie mienš, u Tahanrohskim zalivie BPŁA znoŭ atakavali dva tankiery (pra anałahičny incydent paviedamlałasia i sutkami raniej).
Sudny atrymali paškodžańni, na ich pačaŭsia pažar. Na adnym z tankieraŭ ahoń užo patušyli, na druhim tušeńnie praciahvajecca.
Ekipažy abodvuch sudoŭ evakuiravali, paciarpiełych siarod marakoŭ niama.
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary