NASA abviaściła, što na pavierchni Marsa znajšli vadkuju vadu
Ahienctvu NASA ŭpieršyniu ŭdałosia znajści niepasrednyja dokazy isnavańnia patokaŭ vady na pavierchni Marsa. Pra heta pradstaŭniki ahienctva paviedamili ŭ publikacyi ŭ časopisie Nature Geosciences.
Dadzienyja ab najaŭnaści patokaŭ vady na Marsie byli atrymanyja z dapamohaj śpiektralnaha analizu, praviedzienaha šmatfunkcyjanalnaj aŭtamatyčnaj mižpłanietnaj stancyjaj Mars Reconnaissance Orbiter (MRO). Jana vyvučaje płanietu z 2006 hoda, adnak joj upieršyniu ŭdałosia paćvierdzić teoryju, što isnavała šmat hadoŭ.
Z dapamohaj MRO navukoŭcy praanalizavali ciomnyja pałosy, jakija pasiezonna źjaŭlajucca i źnikajuć na pavierchni Marsa. Arbitalnaja stancyja paćvierdziła, što jany ŭtvarajucca ŭ vyniku schodu patokaŭ salonaj vady.
Ab svajoj znachodcy ŭ NASA abviaścili jašče ranicaj 28 vieraśnia. U paviedamleńni havaryłasia pra razhadku niejkaj «tajamnicy Marsa». Pra toje, što vada na płaniecie isnuje ŭ formie lodu, navukoŭcy viedali ŭžo daŭno, adnak da hetaha času najaŭnaść jaje ŭ vadkaj formie na joj zastavałasia tolki teoryjaj.
Zhodna z papularnaj siarod daśledčykaŭ viersijaj, kala 4 miljardaŭ hadoŭ tamu na Marsie byŭ vialiki akijan, a ŭ krasaviku 2013 marsachodu Curiosity ŭdałosia paćvierdzić najaŭnaść vady pad pavierchniaj płaniety.
Jak adznačaje The Verge, pošuki vadkaści na Marsie, jakaja daje žyćcio, stali siarod navukoŭcaŭ svajho rodu žartam, adnak śviežaja znachodka, zroblenaja NASA, moža pakłaści kaniec debatam na hety kont.
Upieršyniu niezvyčajnyja ciomnyja pałosy, jakija iduć paralelna adna adnoj ad bolš ŭźniosłych punktaŭ płaniety da bolš nizkich, byli vyjaŭlenyja na pavierchni Marsa stancyjaj MRO ŭ 2010 hodzie. Ich šyrynia zvyčajna składaje kala piaci mietraŭ. U ciopły siezon pałosy stanoviacca taŭściejšymi i daŭžejšymi, u chałodny — rezka pamianšajucca abo źnikajuć całkam.
Ciapier čytajuć
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni4
Ci mahčymy druhi Čarnobyl? I što ciapier robiać ludzi na toj AES? Navukoŭka adkazvaje na važnyja pytańni
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2323
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»23
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary