Kampanija BAE Systems raspracavała sistemu, jakaja dazvalaje bajcam znutry bajavoj mašyny bačyć skroź korpus usio navakolle.
Sistema atrymała nazoŭ BattleView 360 i vykarystoŭvaje technałahičnyja napracoŭki źniščalnika Eurofighter Typhoon, piša defensenews.com.
Faktyčna BattleView 360 abjadnoŭvaje vizary na kaskach žaŭnieraŭ, sensarnyja ekrany, televizijnyja i ciepłavizijnyja kamiery. U vyniku žaŭniery ŭnutry mašyny mohuć svabodna pavaročvać hałovy i bačyć usio, što adbyvajecca zvonku.
Z dapamohaj sensarnych dyspłejaŭ kamandziry mohuć paznačać celi, što aŭtamatyčna pieradajecca na našlemnyja vizary bajcoŭ. Taksama na ekrany možna vyvodzić videainfarmacyju z roznych pryboraŭ broniemašyny, naprykład, z pryceła navodčyka.
Dadatkova sistema moža pabudavać trochmiernuju i dvuchmiernuju mapu miascovaści, pa jakoj jedzie mašyna, a taksama atrymlivać dadzienyja ź vizaraŭ žaŭnieraŭ, jakija pakinuli jaje.
Padobnaja sistema raspracoŭvajecca i ŭ amierykanskaj armii.
Kamientary