Alaksandr Łukašenka 30 kastryčnika padpisaŭ ukaz № 445, jakim uniesieny źmianieńni i dapaŭnieńni va ŭkaz ad 4 lutaha 2014 hoda № 64 «Ab utylizacyjnym zbory ŭ dačynieńni da transpartnych srodkaŭ».
Jak paviedamlaje pres-słužba prezidenta, źmianieńni i dapaŭnieńni ŭ dakumienty uniesienyja z ulikam terminałohii, jakaja prymianiajecca ŭ techničnym rehłamiencie Mytnaha sajuza «Ab biaśpiecy kołavych transpartnych srodkaŭ», a taksama praktyki prymianieńnia zakanadaŭstva, źviazanaha z upłataj utylizacyjnaha zboru ŭ Biełarusi.
Va ŭkazie, u pryvatnaści, praduhledžvajecca norma, u adpaviednaści ź jakoj uvodzicca ŭtylizacyjny zbor na transpartnyja srodki, dabudavanyja na terytoryi krainy, na bazie šasi, dadzienych zakazčykam. Na praktycy niaredka byvajuć situacyi, kali ŭpłata zboru nie robicca. Typovy vypadak — vyrab transpartnaha srodku pa davalnickaj schiemie pa dahavory padradu na bazie šasi impartnaj ci biełaruskaj vytvorčaści (kali vytvorca atrymlivaje šasi dla dapracoŭki). Zatym hatovy transpartny srodak pieradajecca ad vytvorcy da ŭłaśnika. Pakolki ŭ hetym vypadku adčužeńnia nie adbyvajecca, to abaviazacielstva pa ŭpłacie ŭtylizacyjnaha zboru ŭ adpaviednaści z ukazam № 64 nie ŭźnikaje.
Ad utylizacyjnaha zboru vyzvalajucca transpartnyja srodki, što ŭvoziacca ŭ Biełaruś i źviernutyja va ŭłasnaść dziaržavy ŭ adpaviednaści z zakanadaŭstvam, a taksama pastaŭlajucca ŭ jakaści zamiežnaj biazvypłatnaj ci mižnarodnaj techničnaj dapamohi.
«Dakumient udakładniaje zakanadaŭstva, źviazanaje z upłataj utylizacyjnaha zboru, i dazvolić palepšyć sistemu administravańnia takoha zboru ŭ Biełarusi», — zaznačajuć u pres-słužbie prezidenta.
Ciapier čytajuć
Łukašenka zajaviŭ pra hatoŭnaść pryjechać u Kijeŭ101
Kamientary