Džychadysty hrupoŭki «Isłamskaja dziaržava» znoŭ ŭziali na siabie adkaznaść za krušeńnie rasijskaha pasažyrskaha łajniera A321 avijakampanii «Kahałymavija» na Sinai.
U raźmieščanym u internecie aŭdyjozvarocie havorycca pra toje, što katastrofa «aerobusa 31 kastryčnika — sprava ruk isłamistaŭ tak zvanaha «Viłajiata Sinaj» — padraździaleńnia ID na Sinajskim paŭvostravie, i što jany nibyta ažyćciavili hety terakt z nahody hadaviny dnia, kali prysiahnuli na viernaść «Isłamskaj dziaržavie».
«I nas nie prymusiać rastłumačyć, jak my heta zrabili», — skazana ŭ hetym aŭdyjozvarocie.
Amal adrazu paśla katastrofy A321 ad imia ID było raspaŭsiudžana karotkaje apaviaščeńnie, u jakim džychadysty brali na siabie adkaznaść, ale nie tłumačyli, jak mienavita heta adbyłosia, i nie paćviardžali svaje słovy nijakimi vizualnymi śviedčańniami.
Za piśmovaj zajavaj, vypuščanaj padraździaleńniem «Isłamskaja dziaržava», jakoje nazyvaje siabie «Sinajskaja pravincyja» (ci «Viłajiat Sinaj») u dzień krušeńnia, było taksama radyjopaviedamleńnie, pieradadzienaje ŭ toj ža dzień aficyjnaj radyjostancyjaj ID «Al-Bajan».
Ciapier čytajuć
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć2
Kamientary