Pavarotny momant u sielskaj haspadarcy: u ZŠA dazvolili pradavać hienna-madyfikavany łasoś
Amierykanskaje ŭpraŭleńnie pa sanitarnym nahladzie za jakaściu charčovych praduktaŭ (FDA) upieršyniu dazvoliła pradavać i ŭžyvać u ježu hienna-madyfikavanuju rybu.
U zaklučeńni rehulatara havorycca, što pradukty z hienna-madyfikavanaha łasosia «biaśpiečnyja i pažyŭnyja», jak i pradukty z zvyčajnaj ryby. Jak śćviardžaje viedamstva, faktyčna niama roźnicy ŭ smakavych jakaściach madyfikavanaha łasosia i zvyčajnaha atłantyčnaha łasosia.
Łasoś atrymaŭ nazvu AquaAdvantage.
Jon byŭ vyviedzieny amierykanskaj kampanijaj AquaBounty. Na praciahu niekalkich hadoŭ jana zmahałasia za vychad svajho praduktu na rynak. Administracyja Abamy jaje ŭ tym padtrymlivała. Krytyki ž turbavalisia, što ŭ vypadku papadańnia ŭ pryrodu «novy łasoś» moža vycieśnić pryrodnyja jaho vidy.
U amierykanskich kramach hienna-madyfikavany łasoś źjavicca hady praz dva. 15—18 miesiacaŭ patrabujecca, kab ryba dasiahnuła narmalnaha pamieru. Tady jak zvyčajny atłantyčny łasoś raście dva razy daŭžej — 3 hady.
Ludzi nie buduć viedać, što jany spažyvajuć mienavita hienna-madyfikavany łasoś, bo zaklučeńnie FDA nie abaviazvaje vytvorcu adpaviednym čynam markiravać svoj pradukt. Častka handlovych sietak užo zajaviła ab tym, što admovicca pradavać hienna-madyfikavany łasoś, kab kupcy nie bajalisia.
Hienna-madyfikavanyja raśliny masava vyroščvajucca daŭno, u tym liku soja i kukuruza.
U vypadku z atłantyčnym łasosiem u jaho źmienienyja hieny rostu. Da jaho 40 000 hienaŭ dadajuć adzin hien i adzin pramotar ad inšych, bolš chutkarosłych ryb.
Łasoś, jak i inšaja čyrvonaja ryba, vielmi karysny dla čałavieka i smačny. U apošnija dziesiacihodździ jaho masava vyroščvajuć u rybhasach.
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary