Паваротны момант у сельскай гаспадарцы: у ЗША дазволілі прадаваць генна-мадыфікаваны ласось
Амерыканскае ўпраўленне па санітарным наглядзе за якасцю харчовых прадуктаў (FDA) упершыню дазволіла прадаваць і ўжываць у ежу генна-мадыфікаваную рыбу.
У заключэнні рэгулятара гаворыцца, што прадукты з генна-мадыфікаванага ласося «бяспечныя і пажыўныя», як і прадукты з звычайнай рыбы. Як сцвярджае ведамства, фактычна няма розніцы ў смакавых якасцях мадыфікаванага ласося і звычайнага атлантычнага ласося.
Ласось атрымаў назву AquaAdvantage.
Ён быў выведзены амерыканскай кампаніяй AquaBounty. На працягу некалькіх гадоў яна змагалася за выхад свайго прадукту на рынак. Адміністрацыя Абамы яе ў тым падтрымлівала. Крытыкі ж турбаваліся, што ў выпадку пападання ў прыроду «новы ласось» можа выцесніць прыродныя яго віды.
У амерыканскіх крамах генна-мадыфікаваны ласось з'явіцца гады праз два. 15—18 месяцаў патрабуецца, каб рыба дасягнула нармальнага памеру. Тады як звычайны атлантычны ласось расце два разы даўжэй — 3 гады.
Людзи не будуць ведаць, што яны спажываюць менавіта генна-мадыфікаваны ласось, бо заключэнне FDA не абавязвае вытворцу адпаведным чынам маркіраваць свой прадукт. Частка гандлёвых сетак ужо заявіла аб тым, што адмовіцца прадаваць генна-мадыфікаваны ласось, каб купцы не баяліся.
Генна-мадыфікаваныя расліны масава вырошчваюцца даўно, у тым ліку соя і кукуруза.
У выпадку з атлантычным ласосем у яго змененыя гены росту. Да яго 40 000 генаў дадаюць адзін ген і адзін прамотар ад іншых, больш хуткарослых рыб.
Ласось, як і іншая чырвоная рыба, вельмі карысны для чалавека і смачны. У апошнія дзесяцігоддзі яго масава вырошчваюць у рыбгасах.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары