U Biełarusi 25,1 pracenta atrymalnikaŭ piensij praciahvajuć pracavać — faktyčna kožny čaćviorty piensijanier, paviedamiła namieśnik načalnika hałoŭnaha ŭpraŭleńnia piensijnaha zabieśpiačeńnia Ministerstva pracy i sacyjalnaj abarony Łarysa Jaškova.
Pavodle statystyčnych danych, na 1 studzienia hetaha hoda ahulnaja kolkaść atrymalnikaŭ piensij u orhanach pa pracy, zaniataści i sacyjalnaj abaronie dasiahnuła 2 młn 592,8 tys. čałaviek, u tym liku 2 młn 527,1 tys. žycharoŭ krainy atrymlivajuć pracoŭnyja piensii.
Praciahvajuć pracoŭnuju dziejnaść 651,2 tys. piensijanieraŭ. Pryčym pradstaŭnic pryhožaha połu siarod pracujučych piensijanieraŭ u dva razy bolš, čym pradstaŭnikoŭ mocnaj pałaviny (438,4 tys. žančyn i 212,8 tys. mužčyn).
Łarysa Jaškova adznačyła, što ŭ minułym hodzie nie nazirałasia siezonnaha vahańnia ŭdzielnaj vahi pracujučych piensijanieraŭ (u papiarednija hady ŭ letni pieryjad hety pakazčyk byŭ nižejšy, a ŭ zimovy — krychu vyšejšy).
Što datyčycca połaŭzrostavaj struktury pracujučych atrymalnikaŭ pracoŭnych piensij, to na 1 studzienia biahučaha hoda ŭ respublicy było 53,4 tys. žančyn i 28,8 tys. mužčyn va ŭzroście da 55 hadoŭ; 216,9 tys. žančyn i 33,3 tys. mužčyn va ŭzroście 55-59 hadoŭ. Va ŭzrostavaj kahorcie atrymalnikaŭ piensij 60-64 hady pracujučych žančyn było 105,6 tys., mužčyn - 96,4 tys. Pradoŭžyli pracavać 46,9 tys. žančyn i 40,2 tys. mužčyn va ŭzroście 65-69 hadoŭ. U liku piensijanieraŭ, jakija praciahvajuć pracavać, — 14 tys. žančyn i 11,5 tys. mužčyn va ŭzroście 70-79 hadoŭ. Ličacca pracujučymi 458 žančyn i 536 mužčyn va ŭzroście 80-89 hadoŭ, a taksama 6 žančyn i 13 mužčyn, jakija pierasiahnuli 90-hadovy rubiež.
Pradstaŭnik Minpracy i sacabarony kanstatavała, što nacyjanalnym zakanadaŭstvam ustanoŭlena abmiežavańnie ŭ vypłacie piensij tolki dla tych, chto mieŭ vysokuju zarabotnuju płatu ŭ minułym i čyj indyvidualny kaeficyjent zarabotku pieravyšaje 1,3. Realna piensijnyja vypłaty abmiažoŭvajucca niaznačna: bolšaść pracujučych piensijanieraŭ atrymlivajuć piensii biez vyklučeńniaŭ.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary