Sproby narviežskich pravaabaroncaŭ spynić vypravadžeńnie mihrantaŭ zvarotami ŭ Kamisaryjat AAN pa biežancach i Jeŭrapiejski sud pa pravach čałavieka akazalisia biespaśpiachovymi.
Jak paviedamiła pradstaŭnica narviežskaha filijała Amnesty International, pieršaja partyja mihrantaŭ, sabranych na byłoj vajennaj bazie blizu horada Kirkienes, što la miažy z Rasijaj, padrychtavanaja da adpraŭki na aŭtobusach u napramku pahraničnaha pierachodu.
Mienavita praz Kirkienes na praciahu niekalkich miesiacaŭ mihranty, siarod jakich pieravažali siryjcy, pierasiakali miažu z Narviehijaj.
Z-za asablivaściaŭ rasijskich zakonaŭ, jakija zabaraniajuć pierasiačeńnie miažy ŭ hetym miescy pieššu, mihranty masava skuplali rovary i prajazdžali praź miažu na dvuch kołach.
Usiaho, pavodle padlikaŭ narviežskaj pamiežnaj słužby, u druhoj pałovie 2015 hoda ŭ Narviehiju prybyło takim čynam 5500 čałaviek.
Usie jany mieli vizy dla znachodžańnia na terytoryi Rasii ci prydatnyja dla pieramiaščeńnia pa Rasii tranzitam dakumienty. Mienavita heta, z punktu hledžańnia ŭładaŭ u Osła, daje padstavy kazać pra toje, što jany mahli prasić ab pradastaŭleńni prytułku jašče da źjaŭleńnia ŭ Narviehii.
U listapadzie narviežskija ŭłady zakryli miažu dla mihrantaŭ i ŭnieśli źmieny ŭ imihracyjnaje zakanadaŭstva. Ciapier u razhladzie prośbaŭ ab prytułku budzie admoŭlena naohuł, kali prośbit prybyŭ z krainy, u jakoj jaho žyćciu ničoha nie pahražała.
Niahledziačy na toje, što ŭ inšych vypadkach Narviehija davała prytułak rasiejcam, jakija pryjechali tudy, u cełym Rasija ličycca biaśpiečnaj u hetych adnosinach krainaj.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki4040
Kamientary