Partał TUT.BY abviaściŭ vyniki šostaha štohadovaha konkursu biełaruskich kantent‑prajektaŭ. Sioleta ŭpieršyniu ŭručałasia specyjalnaja premija imia Uładzimiera Katkoŭskaha. Jaje atrymaŭ sajt «Tvoj Styl — Haradzienski moładzievy prajekt».
Partał TUT.BY abviaściŭ vyniki šostaha štohadovaha konkursu biełaruskich kantent‑prajektaŭ. Sioleta ŭpieršyniu ŭručałasia specyjalnaja premija imia Uładzimiera Katkoŭskaha. Jaje atrymaŭ sajt «Tvoj Styl — Haradzienski moładzievy prajekt».
Na konkurs było pradstaŭlena bolš za 200 kantent‑prajektaŭ biełaruskaha internetu ŭ 12‑ci naminacyjach. Meta konkursu — dać mahčymaść novym cikavym prajektam zajavić pra siabie, viadomym prajektam ‑‑ paćvierdzić svoj status, kaža adzin z kiraŭnikoŭ TUT.BY Kirył Vałošyn:
«Naša hałoŭnaja meta ‑‑ tyja prajekty, jakija jašče nie źjaŭlajucca ahulnaviadomymi, padšturchnuć, dać pryz nia tolki ŭ vyhladzie maralnaj padtrymki, dyplomu, ale i ŭ vyhladzie realnaj dapamohi, jakuju my možam akazać hetym prajektam — chostynham albo biaspłatnaj reklamnaj kampanijaj».
Sioleta ŭpieršyniu ŭručałasia premija imia našaha kalehi, svabodaŭca Uładzimiera Katkoŭskaha. Uładzimier — adzin sa stvaralnikaŭ biełaruskaj Vikipedyi, stvaralnik sajtu pravapis.org, supracoŭnik Radyjo Svaboda, jaki trahična zahinuŭ u 2007 hodzie. Premiju zasnavaŭ baćka Ŭładzi, Leanid Katkoŭski:
«Premiju my vyrašyli zasnavać, kab zachoŭvałasia pamiać ab Vałodzi. Pa‑druhoje, my skarystali ŭručeńnie hetaj premii voś dla čaho: ja zrabiŭ zvarot da biełaruskich internetčykaŭ, kab jany praciahvali jaho pracu, jaho sajty www.pravapis.org, www.martyralog.org… Na žal, ničoha tam nie abnaŭlajecca, nichto ničoha nia robić».
Pieršaja premija imia Ŭładzimiera Katkoŭskaha prysudžana sajtu «Tvoj Styl — Haradzienski moładzievy prajekt».
«Tvoj styl» — heta moładzievaja internet‑hazeta i internet‑radyjo. Raspaviadaje redaktar internet‑radyjo Nadzieja Zavinoŭskaja.
«Maładyja haradziency pišuć pra maładych haradziencaŭ i dla maładych haradziencaŭ. Kali my zrazumieli, što haradzienskija hazety i radyjo nia chočuć bačyć maładych žurnalistaŭ, tamu što ich treba vučyć i tracić svoj čas, my vyrašyli zrabić svoj sajt. Tut my źmiaščajem usio, što nam cikava, što nas chvaluje. My nie abmiežavanyja ni palityčnymi, ni sacyjalnymi prablemami, usio, što nam cikava, pra toje i pišam».
Čamu abrany mienavita hety prajekt, raspaviadaje baćka Ŭładzimiera Katkoŭskaha spadar Leanid:
«Nam padałosia, što jon adpaviadaje Vovinaj pracy ŭ I‑necie, jaho duchu. Pa‑pieršaje, jon biełaruskamoŭny, zaŭsiody davoli dynamičny. Mnie spadabałasia, što tam jość admysłovy moŭny raździeł, navat jany aŭdyjofajły dajuć pra vyvučeńnie biełaruskaj movy. Tam šmat aŭtarskaj pracy, moładź pracuje jak žurnalisty, karespandenty. Tam jość niešta žyvoje».
Redaktar internet‑radyjo «Tvoj styl» Nadzieja Zavinoŭskaja kaža:
«My atrymali premiju imia Ŭładzimiera Katkoŭskaha «Za biełaruskaść». Baćka hetaha maładoha čałavieka, jaki stvaryŭ biełaruski varyjant «Vikipedyi», vyrašyŭ dać nam svaju ŭznaharodu. My atrymali I‑Pod».
Leanid Katkoŭski vykazaŭ spadziavańnie, što spravu Rydela — heta sietkavy pseŭdanim Uładzi — biełaruskija internetčyki buduć praciahvać.
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?2
Kamientary