Pra heta paviedamiła namieśnik hienieralnaha dyrektara Minskaj haradskoj žyllovaj haspadarki Halina Hilevič.
«U adpaviednaści z ukazam №535, pasłuhi pa ŭborcy miescaŭ ahulnaha karystańnia žychary šmatkvaternych damoŭ buduć apłačvać ŭ 100-pracentnym pamiery. Da apłaty budzie vystaŭlacca suma tolki za faktyčna akazanuju pasłuhu», — skazała Halina Hilevič.
Jana patłumačyła, što hrafiki z ukazańniem dat uborki pavinny raźmiaščacca ŭ padjezdach kožny miesiac. Z boku ŽES za vykanańniem płana sočyć majstar abo bryhadzir. Praviarajučy pavinien być abrany i siarod žycharoŭ. Mienavita jon prymaje pracu i raśpisvajecca ŭ hrafiku paśla praviadzieńnia uborki. U tych vypadkach, kali jana nie vykonvałasia, upaŭnavažany prosta nie stavić podpis. Adpaviedna, naličeńni za nieakazanyja pasłuhi nie robiacca, što adabjecca ŭ vynikovaj sumie ŭ žyroŭcy.
Darečy, pakolki ŭ studzieni usie siły žyllovych arhanizacyj byli kinutyja na rasčystku dvarovych terytoryj ad śniehu, uborka padjezdaŭ u niekatorych damach pravodziłasia radziej, čym vyznačana pa hrafiku. Heta taksama adabjecca ŭ žyroŭkach.
Zhodna z novymi praviłami, prybirać padjezd, pa žadańni spažyŭcoŭ, moža jak ŽES, tak i inšaja arhanizacyja. Kab źmianić pastaŭščyka pasłuhi, žycharam dastatkova źviarnucca ŭ ŽREA rajona. Jość i alternatyŭny varyjant — prybirać padjezd samastojna. Dla hetaha treba zhoda ŭsich žycharoŭ padjezda i zaćviardžeńnie hrafika dziažurstvaŭ. U lubym vypadku minimalnaja pieryjadyčnaść uborki vyznačajecca patrabavańniami sanitarnych normaŭ i praviłaŭ, a jaje hruntoŭnaść — pažadańniami i finansavymi mahčymaściami spažyŭcoŭ.
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary