Łukašenka daručyŭ Kamitetu dziaržkantrolu pravieryć taryfy na prajezd u transparcie
Kamitetu dziaržkantrolu daručana pravieryć taryfy na prajezd u Biełarusi.
Pra heta zajaviŭ siońnia Alaksandr Łukašenka pierad tym, jak zasłuchać dakład ab padatkovaj i akcyznaj palitycy ŭ 2016 hodzie.
«Upeŭnieny, što my tam znojdziem reziervy. U tym płanie, što taryfy ŭ siabie ŭvabrali i niejkija nievytvorčyja, inšyja vydatki, jakich tam nie pavinna być, — adznačyŭ kiraŭnik krainy. — Pahladzim, jaki pracent nasielnictva kampiensuje ad realnych vydatkaŭ, pahladzim na hetyja vydatki. Treba pravieści reviziju hetych taryfaŭ».
Alaksandr Łukašenka padkreśliŭ, što prajezd u hramadskim transparcie papiaredni raz daražeŭ u śniežni minułaha hoda, i z tych časoŭ dabrabyt biełarusaŭ nie palepšaŭ. «Što źmianiłasia? Narod razbahacieŭ, što my siońnia pavysim taryfy na čyhunačnyja, pryharadnyja pieravozki ci haradskim transpartam?» — skazaŭ jon.
«Nijakaha z majho boku adabreńnia tak zvanych niepapularnych mier, jakija siońnia jašče raz udarać pa nasielnictvie, nie budzie», — dadaŭ jon.
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»1
Kamientary