U Technałahičnym univiersitecie źmianiŭsia rektar – upieršyniu za 30 hadoŭ
Siońnia stała viadoma, što Alaksandr Łukašenka pryznačyŭ Ihara Vojtava rektaram Biełaruskaha dziaržaŭnaha technałahičnaha ŭniviersiteta. Kiraŭnik hetaj VNU nie źmianiaŭsia až ad 1986 hoda, kali rektaram staŭ Ivan Žarski. Tady navučalnaja ŭstanova jašče nazyvałasia Biełaruski technałahičny instytut imia Kirava (pierajmienavany ŭ 1993 hodzie).
Ivanu Žarskamu 71 hod, jon rodam ź vioski Vierbnicy Navahrudskaha rajona. Skončyŭ Technałahičny instytut. Absalutna ŭsio žyćcio adpracavaŭ u svajoj «alma-mater». Spačatku aśpirantam na kafiedry ahulnaj i niearhaničnaj chimii, a ŭ 1981 hodzie staŭ prarektaram VNU, u 1986 – rektaram. Ivan Žarski kandydat chimičnych navuk, prafiesar.
Pry Žarskim byli vypadki, kali z Technałahičnaha adličali studentaŭ za palityčnuju dziejnaść. Adnak byli i procilehłyja vypadki. Naprykład, u kastryčniku 2007 hoda Ivan Žarski asabista pryniaŭ rašeńnie nie vyklučać z VNU studenta Źmitra Padreza, jakoha pierad hetym zatrymali z nalepkami «Jeŭrapiejskaj Biełarusi» ŭ Miadzieli. Žarski staŭ na abaronu Padreza, chacia kiraŭnictva fakulteta vystupała za vyklučeńnie.
Novym rektaram BDTU staŭ były kiraŭnik Kamiteta pa navucy i technałohijach Ihar Vojtaŭ. Jamu 54 hady, naradziŭsia ŭ Minsku. Kali da ŭłady pryjšoŭ Łukašenka, to Vojtaŭ staŭ namieśnikam ministra pryrodnych resursaŭ. Vykładaŭ na hieafaku BDU. Ad 2009 da 2013 uznačalvaŭ Kamitet pa navucy i technałohijam.
Apošnim časam Vojtaŭ byŭ prarektaram BDTU pa navučalnaj pracy i mižnarodnamu navukovamu i adukacyjnamu supracoŭnictva. U abaviazki prarektara ŭvachodziła naviedvańnie roznych krain i ŭniviersitetaŭ. Byŭ u kamandziroŭkach u Polščy, Litvie, Turkmienistanie, KNR i inšych krainach.
Raniej BDTU najpierš ličyŭsia kuźniaj kadraŭ pa lasnoj, chimičnaj, palihrafičnych halinach, adnak apošnim časam univiersitet aktyŭna raźvivaje nakirunak infarmacyjnych technałohij.
Chto z rektaraŭ najbolš praciahły čas znachodzicca na svajoj pasadzie:
1. Valeryj Bašmietaŭ (Viciebski technałahičny ŭniviersitet): ad 1993 hoda.
2. Vitold Pieścis (Hrodzienski ahrarny ŭniviersitet): ad 1995 hoda
3. Valancin Valetaŭ (Mazyrski piedahahičny ŭniviersitet imia Ivana Šamiakina): ad 1997 hoda
4. Anton Jatusievič (Viciebskaja akademija vieterynarnaj miedycyny): ad 1998 hoda
5. Ihar Sazonaŭ (Biełaruska-rasijski ŭniviersitet): ad 1998 hoda
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj2
Kamientary