Alaksandr Łukašenka siońnia na sustrečy sa śpiecyjalnym pradstaŭnikom Jeŭrapiejskaha sajuza pa pravach čałavieka Staŭrasam Łambrynidzisam vykazaŭ zadavalnieńnie tym, što Biełaruś i ES adyšli ad łabavoha supraćstajańnia
Kiraŭnik Biełarusi padkreśliŭ, što jon «rady tamu, što ŭsio ž taki my prajšli svoj šlach, Jeŭrapiejski sajuz prajšoŭ svoj šlach, i my adyšli ad hetaha łabavoha supraćstajańnia».
Kiraŭnik biełaruskaj dziaržavy kanstatavaŭ, što ŭ svoj čas ES i Biełaruś «vybudavali niezrazumiełuju ścianu pamiž saboj i sprabavali praz hety płot navat nie razmaŭlać, a abmieńvacca słovami». Alaksandr Łukašenka vykazaŭ nadzieju, što hety pieryjad syšoŭ u niabyt.
Łukašenka taksama adznačyŭ, što Biełaruś nie krytykuje Jeŭropu za jaje razumieńnie pravoŭ čałavieka, ale maje svaju pazicyju pa hetym pytańni.
«Jeŭrapiejski sajuz — heta» darosłaja «arhanizacyja, tam razumnyja ludzi, jany ŭmiejuć farmulavać toje, što jany chočuć», — skazaŭ Alaksandr Łukašenka. «Ale ŭ nas jość svajo razumieńnie humanitarnych prablem, u tym liku i prablem pravoŭ čałavieka», — źviarnuŭ uvahu prezident i padkreśliŭ, što pazicyja Biełarusi zaležyć nie tolki ad jaho asabistaha razumieńnia ci razumieńnia z boku biełaruskich uładaŭ.
Ciapier čytajuć
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary