Biełaruskaja asacyjacyja baćkoŭ u Litvie prapanavała litoŭskim čynoŭnikam vykarystoŭvać biełaruskuju movu zamiest ruskaj
Biełarusy prapanavali biaspłatna dapamahčy Vilni pierakłaści na biełaruskuju movu sajty municypaliteta, formy dakumientaŭ, infarmacyjnyja sistemy.
Asacyjacyja biełaruskich baćkoŭ u Litvie padtrymała staršyniu Siejma Juozasa Alekasa, jaki zajaviŭ, što municypalitety pry kamunikacyi ź biełaruskaj supolnaściu mohuć vykarystoŭvać biełaruskuju movu zamiest ruskaj.
Asacyjacyja padkreślivaje, što dla biełarusaŭ u Litvie, asabliva dla dziaciej, adnoj z hałoŭnych umoŭ intehracyi pavinna być vyvučeńnie litoŭskaj movy. Pry hetym biełaruskaja mova, na dumku baćkoŭ, dapamahaje zachoŭvać nacyjanalnuju identyčnaść. «Biełaruskaja dapamahaje zastavacca biełarusami. Litoŭskaja — być častkaj litoŭskaha hramadstva», — havorycca ŭ zvarocie.
Asacyjacyja taksama zajaviła, što hatovaja biaspłatna dapamahčy Vilni pierakłaści na biełaruskuju movu sajty municypaliteta, formy dakumientaŭ i infarmacyjnyja sistemy.
Zajava źjaviłasia na fonie dyskusii ŭ Litvie pra skaračeńnie vykarystańnia ruskaj movy ŭ dziaržaŭnych ustanovach i śfiery pasłuh i pašyreńnie mahčymaściaŭ dla vykarystańnia moŭ inšych nacyjanalnych supolnaściaŭ.
Kamientary
Ale štości mnie padkazvaje, što rusafobija latuvisaŭ zakančvajecca roŭna tam, dzie pačynajecca biełarusafobija. Budu vielmi rady pamylicca.