U kožny biełaruski markietpłejs pryznačać pradstaŭnika ad Minhandlu
13 žniŭnia ŭ Ministerstvie antymanapolnaha rehulavańnia i handlu Biełarusi adbyłasia pracoŭnaja sustreča, pryśviečanaja pracy internet-placovak i prasoŭvańniu ajčynnaj pradukcyi ŭ anłajn-asiarodździ.
U abmierkavańni ŭdzielničali pradstaŭniki Minprama, kancernaŭ «Biellehpram», «Biełdziaržcharčpram», «Biellespapierpram» i «Biełnaftachim», upraŭleńniaŭ handlu i pasłuh, a taksama kiraŭniki i pradstaŭniki najbujniejšych internet-placovak Biełarusi.
Da pahadnieńnia ab supracoŭnictvie dałučylisia «Internet-krama Jeŭraopt», «Jandeks Ježa», «Biełpošta», Ozon, «Fłaŭvaŭ», Onliner i Delivio. Rasijski «Vajłdbierys», jak padkreślivajecca, pakul da pahadnieńnia nie dałučyŭsia.
Asnoŭnaj temaj sustrečy stała acenka efiektyŭnaści prasoŭvańnia biełaruskich tavaraŭ praź internet-placoŭki. Udzielniki abmierkavali klučavyja pakazčyki, jakija dazvolać vyznačać, nakolki paśpiachova ajčynnyja vytvorcy prasoŭvajuć svaju pradukcyju i pavialičvajuć jaje prodažy praz anłajn-kanały.
Padčas sustrečy taksama padrabiazna razhledzieli asobnyja pakazčyki i mietodyku ich raźliku. Hałoŭnaja meta takoj sistemy — aktyvizavać prodaž biełaruskich tavaraŭ u internecie i pavialičyć ich dolu ŭ anłajn-handli.
Pa vynikach sustrečy vyrašana, što za kožnaj internet-placoŭkaj zamacujuć asobnaha pradstaŭnika ad Minhandlu, jaki budzie adkazvać za ŭzajemadziejańnie ź biełaruskimi vytvorcami. Padobnaja praktyka ŭžo dziejničaje ŭ zvyčajnych handlovych sietkach.
Ciapier čytajuć
Biełarusy horača spračajucca, ci varta pryviazvać dapamohu na dzicia da zarobku maci35
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary