29 sakavika na elektronnaj handlovaj placoŭcy Biełaruskaj univiersalnaj tavarnaj biržy «BUTB-Majomaść» projduć pieršyja elektronnyja tarhi dziaržaŭnaj majomaściu, paviedamili BiełaPAN u pres-słužbie biržy.
Arhanizataram tarhoŭ vystupaje Minski abłasny fond dziaržaŭnaj majomaści.
Na prodaž vystaŭlena šeść abjektaŭ u Minskaj vobłaści: budynak dziciačaha sadka, try dziciačyja azdaraŭlenčyja łahiery ( «Zorka», «Čajka» i «Mara»), škoła i mižškolny vučebna-vytvorčy kambinat pracoŭnaha navučańnia i prafiesijnaj aryjentacyi. Majomaść realizujecca z davańniem ziamielnych učastkaŭ u arendu biez praviadzieńnia aŭkcyjonu i spahnańnia płaty za prava zaklučeńnia dahavora arendy.
Na dumku pieršaha namieśnika staršyni praŭleńnia biržy Aleha Jakuboviča, «pieravod pracedury realizacyi dziaržmajomaści ŭ elektronny farmat zrobić jaje bolš efiektyŭnaj i prazrystaj, a dziaržava zmoža realizavać majomaść pa maksimalnaj canie za košt kankurencyi pamiž pakupnikami».
Ciapier biržaj pravodzicca praca pa pryciahnieńni ŭdzielnikaŭ piłotnych tarhoŭ. Cikavaść da vystaŭlenych na prodaž abjektaŭ užo prajavili patencyjnyja pakupniki ź Biełarusi, Rasijskaj Fiederacyi i krain Bałtyi. Zhodna z zakanadaŭstvam, nabyć dziaržaŭnuju majomaść na elektronnych tarhach mohuć jurydyčnyja asoby, indyvidualnyja pradprymalniki i fizičnyja asoby, u tym liku nierezidenty Respubliki Biełaruś.
U adpaviednaści z pastanovaj Savieta ministraŭ ad 12 lipienia 2013 hoda № 608 AAT «Biełaruskaja univiersalnaja tavarnaja birža» (BUTB) vyznačana adnym z apierataraŭ elektronnych handlovych placovak (EHP) pa prodažy dziaržaŭnaj majomaści i majomasnych pravoŭ. Z 1 studzienia 2016 hoda biržaj ŭviedziena ŭ ekspłuatacyju EHP «BUTB-Majomaść», dostup da jakoj ažyćciaŭlajecca praź internet-sajt www.et.butb.by. Pradmietam tarhoŭ na EHP mohuć vystupać budynki, zbudavańni, mašyny, abstalavańnie, transpartnyja srodki, ziamielnyja ŭčastki, pravy zaklučeńnia dahavoraŭ arendy i inš. Pry hetym mahčymaja realizacyja jak dziaržaŭnaj majomaści, tak i majomaści, jakaja znachodzicca ŭ pryvatnaj ułasnaści.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu10
Kamientary