I viečaryna pamiaci Vasila Supruna ŭ Słonimie. 3-4 traŭnia.
3 traŭnia ŭ Niaśvižy ŭ aktavaj zali Piedahahičnaha kaledža pierad studentami i ŭsimi zacikaŭlenymi vystupiać bard Źmicier Bartosik z novym albomam «Daroha na Vilniu» i piśmieńnica Volha Ipatava, jakaja padčas sustrečy prezientuje knihu, układalnicaj jakoj źjaŭlajecca, — «My stvarali svaju Biełaruś» Volhi Hrycuk. Heta kniha raspaviadaje pra los adnaho ź lideraŭ pavajennaj emihracyi ŭ Kanadzie Alaksieja Hrycuka.
Pačatak sustrečy a 15 hadzinie.
4 traŭnia ŭ Słonimie adbudziecca viečaryna pamiaci Vasila Supruna, inicyjatara zasnavańnia i kiraŭnika biełaruskaha patryjatyčnaha maładziovaha antysavieckaha padpolla ŭ 1946—1947 hh. na terytoryi Zachodniaj Biełarusi, paeta, krajaznaŭca, archieołaha.
Vasil Suprun byŭ siabram Sajuza piśmieńnikaŭ Biełarusi z 1995 h. Na hadavinu pamiaci pryjeduć krajaznaŭcy, archieołahi, siabry i paplečniki. Z Harodni zaprošany Alaksiej Piatkievič i Alaksandr Talerčyk, krajaznaŭcy, jakija supracoŭničali šmat hod z V. Suprunom. Taksama adbudziecca prezientacyja knihi, jakaja dniami vydadziena ŭ Harodni, pra žyćcio i dziejnaść hetaha mužnaha čałavieka.
Viečaryna pamiaci adbudziecca ŭ Słonimskaj biblijatecy a 14 hadzinie.
Kamientary