«Kamienny viek skončyŭsia nie tamu, što skončylisia kamiani» — łohika, čamu Saudaŭskaja Aravija trymaje ceny na naftu nizkimi
«Kamienny viek skončyŭsia nie tamu, što skončylisia kamiani».
Hetaje vykazvańnie tahačasny ministr nafty Saudaŭskaj Aravii Šejch Jamani zrabiŭ u 2000 hodzie. Jano tłumačyć łohiku, jakoj Er-Ryjad kirujecca ciapier.
Saudaŭcy miarkujuć, što vysokija ceny na vuhlevadarody prosta pryviaduć da taho, što čałaviectva chutčej razaŭje novyja krynicy enierhii.
Saudaŭskaja Aravija maje hihanckija raźviedanyja zapasy paliva. I zdabyča jaho kaštuje tut tanna. Tamu šejchi majuć zacikaŭlenaść u tym, kab pradać jak maha bolš nafty, pakul jana treba ŭ śviecie. Ich nie chvaluje, što ŭ kahości — vytvorcaŭ słancavaj nafty ŭ Techasie ci vieniesuelskich čavistaŭ — zdabyča nafty darahaja.
Vy chočacie, kab nafty na rynku było mienš? Okiej, kažuć jany, tady pradavajcie mienš vy.
Sapraŭdy, hienieracyja elektryčnaści z enierhii sonca, vietru robicca ŭsio bolš daskanałaja i tańnieje. A atamnyja elektrastancyi — usio bolš abaronienymi i biaśpiečnymi. Tym časam płanieta zrabiła skačok u enierhaźbierahańni. Novyja aŭtamabili siońnia spažyvajuć udvaja mienš bienzinu, čym ich anałahi 20 hadoŭ tamu. Plus raźvićcio elektramabilaŭ. Plus pastupova ludzi padstupajucca da sakretu zacuhlańnia termajadziernaj reakcyi. Niečakanyja vyniki moža dać vyvučeńnie enierhii kiravanaha fotasintezu.
Saudaŭskaja Aravija ličyć abo viedaje, što nieŭzabavie nadydzie toj momant, kali nafta i haz stanuć nie tak užo i patrebnymi čałaviectvu, jak užo siońnia staŭ nie tak užo zapatrabavany vuhal. I Er-Ryjad choča da taho momantu zarabić maksimum.
Biełarusam, jakija nie majuć ułasnych paliŭnych resursaŭ, jość nad čym zadumacca ŭ takoj situacyi. Užo siońnia na Parku vysokich technałohij kraina zarablaje suvymierna z naftapierapracoŭčym zavodam. Prytym što za Park nikomu nie treba kłaniacca.
Ciapier čytajuć
Łukašenka zajaviŭ pra hatoŭnaść pryjechać u Kijeŭ101
Kamientary