Biełarusbank ustalavaŭ pieršy ŭ Biełarusi bankamat dla kiroŭcaŭ na zapraŭcy pobač z aŭtavakzałam «Uschodni». Zdymać hrošy ci rabić płaciažy z dapamohaj kartki, nie pakidajučy aŭtamabil, možna kruhłasutačna.
— Bankamat dazvalaje ekanomić čas na parkoŭku — usie apieracyi ŭ bankamacie možna ažyćciavić prosta z aŭtamabila. Dla vyhody vykarystańnia praduhledžana rehuliroŭka nachiłu ekrana pryłady, — kamientuje načalnik technałahičnaha kiravańnia raźlikovaha centra płaciežnych kart AAT «ASB Biełarusbank» Anatol Čarniacin.
Novy bankamat raźmieščany na vulicy Traścianieckaj pobač z aŭtavakzałam «Uschodni». Akramia źniaćcia najaŭnych, u im možna apłacić pasłuhi apierataraŭ mabilnaj suviazi, pieravieści hrošy pa rekvizitach kartki, a taksama atrymać mini-vypisku pa apieracyjach z vykarystańniem «płastyka».
Pryłada pracuje 24 hadziny ŭ sutki i śpiecyjalna raźličana na roznyja ŭmovy nadvorja.
18‑hadovy kursant Vajskovaj akademii ź Lachavič nikomu ničoha nie skazaŭ, zabraŭ dakumienty i pajechaŭ vajavać za Rasiju. Ciapier pa im płačuć48
Kamientary