Беларусбанк усталяваў першы ў Беларусі банкамат для кіроўцаў на запраўцы побач з аўтавакзалам «Усходні». Здымаць грошы ці рабіць плацяжы з дапамогай карткі, не пакідаючы аўтамабіль, можна кругласутачна.
— Банкамат дазваляе эканоміць час на паркоўку — усе аперацыі ў банкамаце можна ажыццявіць проста з аўтамабіля. Для выгоды выкарыстання прадугледжана рэгуліроўка нахілу экрана прылады, — каментуе начальнік тэхналагічнага кіравання разліковага цэнтра плацежных карт ААТ «АСБ Беларусбанк» Анатоль Чарняцін.
Новы банкамат размешчаны на вуліцы Трасцянецкай побач з аўтавакзалам «Усходні». Акрамя зняцця наяўных, у ім можна аплаціць паслугі аператараў мабільнай сувязі, перавесці грошы па рэквізітах карткі, а таксама атрымаць міні-выпіску па аперацыях з выкарыстаннем «пластыка».
Прылада працуе 24 гадзіны ў суткі і спецыяльна разлічана на розныя ўмовы надвор'я.
Цяпер чытаюць
Фядута рэзка адказаў Калеснікавай: За што вы змагаліся ў 2020 годзе, не цікавіць нікога, акрамя мядзведзяў з берлінскага заапарка, якія вас атачаюць4949
Каментары