Muziej jaŭrejskaj kultury źjavicca ŭ sinahozie XVII stahodździa ŭ Słonimie. Pra heta raskazali ŭ adździele ideałahičnaj raboty, kultury i pa spravach moładzi Słonimskaha rajvykankama.
Niepasredny ŭdzieł u finansavańni rabot pa adnaŭleńni i rekanstrukcyi budynka sinahohi razam sa Słonimskim rajvykankamam prymie Słonimskaja Jaŭrejskaja asacyjacyja ŭ Izraili.
«Papiaredniaja damoŭlenaść ab sumiesnaj realizacyi prajekta była dasiahnuta jašče ŭ žniŭni minułaha hoda, kali pradstaŭniki Słonimskaj Jaŭrejskaj asacyjacyi pabyvali ź vizitam u rajcentry. Ab kankretnych krokach, a taksama ab tym, što izrailski bok prymie ŭdzieł u finansavańni rabot, viałasia razmova ŭ čas vizitu ŭ Izrail staršyni Słonimskaha rajvykankama Aleha Tarhonskaha ŭ pačatku maja», — skazali ŭ adździele.
Budynak sinahohi raźmieščany ŭ samym centry Słonima. Pabudavany jon u siaredzinie XVII stahodździa. Ciapier budynak zakansiervavany, raniej tut byŭ abnoŭleny dach. Unutry zachavalisia aryhinalnyja elemienty interjeru.
«U Słonimie raniej jaŭrei składali bolš jak 80 pracentaŭ nasielnictva. I siońnia na radzimu svaich baćkoŭ, dziadoŭ i pradziedaŭ pastajanna pryjazdžajuć naščadki ź inšych krain. Mnohija ź ich naviedvajuć były budynak sinahohi. Muziej jaŭrejskaj kultury moža stać adnym z abjektaŭ pakłonnaha turyzmu, što nabiraje ciapier papularnaść, i pryciahnuć u horad dadatkovych haściej», — adznačajuć u rajvykankamie.
Prajekt rekanstrukcyi sinahohi taksama płanujuć uklučyć u adnu z prahram transhraničnaha supracoŭnictva.
U bližejšy čas projduć tarhi na vybar arhanizacyi, jakaja padrychtuje prajektna-kaštarysnuju dakumientacyju. Prajektnyja raboty płanujecca zaviaršyć na praciahu hoda. Tady stanuć viadomy abjomy rabot i terminy zakančeńnia rekanstrukcyi.
-
Hałoŭny korpus Nacyjanalnaha mastackaha muzieja Biełarusi płanujuć zakryć na rekanstrukcyju
-
Byłaja palitźniavolenaja žurnalistka Łarysa Ščyrakova zaprašaje na etnafotasety ŭ strojach sa stohadovaj historyjaj FOTY
-
Z dvuzubam Rurykavičaŭ na ścienach. Znojdzieny na Novym zamku ŭ Hrodnie chram CHII stahodździa adrazu ž zakapali
Kamientary