Minčanka adprasiłasia z pracy, kab uziać dva kredyty i pieradać machlaram 50 tysiač dalaraŭ
Častku hrošaj jana ŭ svajoj mašynie pieradała nieznajomaj dziaŭčynie, a astatniaje — inšamu mužčynu.
48‑hadovaja žančyna źviarnułasia ŭ milicyju. Jana patłumačyła, što złamyśniki patelefanavali joj z zamiežnaha numara i paprasili nazvać kod z SMS-paviedamleńnia. Paśla hetaha jany paviedamili, što ad jaje imia pravodziacca niezakonnyja finansavyja apieracyi, paviedamlaje «Milicyja Minska».
Kab zachavać asabistyja źbieražeńni, žančynie paraili ich «zadekłaravać» praz pazaštatnaha supracoŭnika Nacyjanalnaha banka. Dla pierakanaŭčaści minčancy dasłali padroblenyja dakumienty ź nieisnujučymi adrasami i rekvizitami. Jana pavieryła i pieradała kurjeru 20 tysiač dalaraŭ.
Na nastupny dzień joj paraili adprasicca z pracy i aformić na siabie dva kredyty, kab machlary nie zmahli zrabić heta ad jaje imia. Žančyna znoŭ vykanała ŭkazańni i atrymała ŭ banku kala 60 tysiač rubloŭ. Častku hrošaj jana ŭ svajoj mašynie pieradała nieznajomaj dziaŭčynie, a astatniaje — mužčynu.
Praź niejki čas złamyśniki znoŭ źviazalisia ź minčankaj i paraili pradać aŭtamabil, kab «vyratavać jaho ad prodažu na čornym rynku». Žančyna atrymała za mašynu kala 7 tysiač dalaraŭ i taksama pieradała ich kurjeru nibyta dla pravierki. Da apošniaha jana nikomu nie raskazvała pra situacyju i synu skazała, što aŭtamabil na servisnym absłuhoŭvańni.
Pra toje, što jana stała achviaraj machlaroŭ, žančyna zrazumieła tolki tady, kali jany pierastali vychodzić ź joj na suviaź.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ71
Kamientary