Dvoje palicyjantaŭ zahinuli, jašče 12 paciarpieli padčas šturmu šmatkvaternaha doma ŭ dahiestanskim Derbiencie. Pra heta ŭ subotu, 14 maja, ahienctvu RIAN paviedamiŭ pradstaŭnik Centralnaj haradskoj balnicy.
«U balnicy znachodziacca 12 čałaviek, jašče adzin supracoŭnik skanaŭ paśla špitalizacyi. Načalnik kryminalnaha vyšuku, jaki znachodziŭsia ŭ šturmavanaj kvatery, taksama zahinuŭ», — skazaŭ surazmoŭca ahienctva.
Pavodle dadzienych Life, bližej da 17-j hadziny ŭziaćcie doma było zavieršana: usich złačyncaŭ udałosia likvidavać. «Pa ŭsioj bačnaści, jany byli dobra ŭzbrojenyja. Navat paśla pačatku šturmu bajeviki vykidvali z voknaŭ kvatery bajavyja hranaty», — paviedamiła vydańniu krynica ŭ pravaachoŭnych orhanach.
Raniej, 14 maja, paviedamlałasia pra toje, što, atrymaŭšy infarmacyju pra śmierć kiraŭnika kryminalnaha vyšuku, siłaviki pryniali rašeńnie šturmavać dom z bandytami. Jany padazrajucca ŭ zabojstvie baćki byłoha mera horada Hadžyachmieda Kaziachmiedava.
Bajeviki ŭ chodzie pierastrełki paranili niekalkich supracoŭnikaŭ pravaachoŭnych orhanaŭ, a taksama ŭziali ŭ zakładniki načalnika miascovaha ŭpraŭleńnia kryminalnaha vyšuku Musu Musajeva. Paviedamlałasia, što palicyjanty pravodzili adrasnyja pravierki, kali z adnoj kvatery pa ich adkryli stralbu. Da miesca incydentu byli ściahnutyja dadatkovyja siły, dom zabłakavany, a jaho žychary evakujavanyja.
U kancy krasavika ŭ Dahiestanie byŭ zastreleny były načalnik adździeła palicyi Šamilskaha rajona Mahamied Mahamiedaŭ. U datyčnaści da złačynstva byli zapadozranyja bajeviki ź miascovaj bandhruppy.
Anžaliku Mielnikavu bačyli ŭ Minsku ŭ «Dana Mole»53
Kamientary