Za viartańnie Tax Free biełarusam pryjdziecca zapłacić 3 jeŭra kamisii z kožnaha čeka zvyš €50
Kampanija Global Blue ŭviała z 27 lipienia kamisiju za viartańnie hrošaj pa čekach Tax Free, pa jakich suma dla vypłaty pieravyšaje 50 jeŭra. U vypadku pieravyšeńnia hetaha limitu za kožny ček pryjdziecca zapłacić pa 3 jeŭra kamisii, paviedamlajecca na sajcie Technabanka.
— Kamisija ŭviedziena ź siońniašniaha dnia. Jaje pryjdziecca płacić taksama pa aformlenych raniej čekach, vypłaty pa jakich pieravyšajuć 50 jeŭra i buduć pravodzicca tolki paśla 27 lipienia, — udakładnili ŭ koł-centry banka.
Z 1 lipienia minułaha hoda kampanija Global Blue ŭžo ŭvodziła kamisiju za viartańnie hrošaj pa čekach Tax Free. Tak, kali suma dla vypłaty pieravyšała 10 jeŭra, to za kožny ček treba było zapłacić pa 1 jeŭra. Paźniej kampanija admianiła hetuju kamisiju, pakinuli jaje tolki pa čekach Global Blue, aformlenym u FRH.
Viarnuć hrošy pa čekach Tax Free ŭ Biełarusi ciapier možna ŭ troch adździaleńniach Technabanka. Adznačym, što biełarusy čaściej za ŭsio afarmlajuć čeki Tax Free mienavita praz kampaniju Global Blue. Inšyja kampanii, praź jakija možna viarnuć PDV, — Tax Free Worldwide i Premier Tax Free taksama biaruć kamisiju. Paźbiehnuć vypłat možna ŭ tym vypadku, kali rabić pakupki ŭ litoŭskich kramach, jakija pracujuć z kampanijaj LITOFOLIJA.
Tym časam za pieršaje paŭhodździe Technabank vypłaciŭ biełarusam 1 miljon 393 tysiačy jeŭra pa čekach Tax Free. Heta na 429 tysiač jeŭra mienš, čym za anałahičny pieryjad minułaha hoda, paviedamlała raniej načalnik upraŭleńnia bankaŭskaha absłuhoŭvańnia fizičnych asob Technabanka Nadzieja Jerachaviec.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary