Aŭtar adnoj z samych pradavanych knižnych epapiej u historyi Džoan Roŭlinh vysoka adhuknułasia ab svaich fanatach, jakija zachavali ŭ tajamnicy siužet pjesy «Hary Poter i praklataje dzicia», premjera jakoj adbyłasia ŭ subotu ŭ Łondanie.
«Ja tak rada, što my dačakalisia hetaha dnia, ničoha nie sapsavaŭšy», - zaŭvažyła šatłandskaja piśmieńnica.
Apoŭnačy pa Łondanie startavali prodažy knih z tekstam pjesy na anhlijskaj. Takim čynam Roŭlinh zrabiła sabie svojeasablivy padarunak: 31 lipienia joj spaŭniajecca 51 hod. Darečy, zhodna ź siužetam knihi, dzień narodzinaŭ Hary Potera — 31 lipienia.
Mnohija knižnyja kramy ŭ Brytanii pracavali ŭ noč na niadzielu ŭ suviazi z vychadam knihi.
U vieraśni pjesa vyjdzie na ruskaj movie. Na biełaruskuju, na žal, «Hary Poter» tak apieratyŭna nie pierakładajecca i aficyjnych pierakładaŭ naohuł niama.
Adkazvajučy na pytańnie žurnalistaŭ pra mahčymuju bradviejskuju pastanoŭku, Roŭlinh skazała, što była b rada i hetamu: «Chaču, kab jaje pabačyła maksimalna vialikaja kolkaść fanataŭ Potera».
Dziejańnie pjesy adbyvajecca praz 19 hadoŭ paśla padziej finalnaha ramana sahi «Hary Poter i dary śmierci».
Papiarednija pakazy śpiektakla pa pjesie vyklikali zachapleńnie krytykaŭ, adnak nie ŭsie fanaty epapiei pryniali čarnaskuruju aktrysu Nomu Dumieźvieni ŭ roli Hiermijony Hrejndžer. Roŭlinh paryravała, što Hiermijona całkam moža być ciemnaskuraj, i nazvała praciŭnikaŭ takoha kastynhu «kupkaj rasistaŭ».
Z 1997 hoda knižnaja sieryja pra čaraŭnika ŭ akularach razyšłasia nakładam bolš za 450 młn ekzemplaraŭ.
-
Tvor Śviatłany Aleksijevič staŭ krynicaj natchnieńnia dla amierykanskaha fentezi-bestselera
-
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju
-
Volha Kaściuk naradziłasia ŭ Radčycku Stolinskaha rajona, a žyvie ŭ Novaj Ziełandyi. Jaje kniha napisanaja na havorcy, na jakoj jašče nichto nie pisaŭ
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary