Chłopčyk, što vypaŭ z 7-ha paviercha, pamior u balnicy, paviedamiŭ staršy inśpiektar pa asablivych daručeńniach upraŭleńnia achovy pravaparadku i prafiłaktyki UUS Viciebskaha abłvykankama Alaksandr Kaziučyc.
«Chłopčyk pamior 13 žniŭnia, u balnicy, nie prychodziačy ŭ prytomnaść», — skazaŭ Alaksandr Kaziučyc.
Niaščasny vypadak adbyŭsia viečaram 1 žniŭnia ŭ adnym z damoŭ pa prasp. Budaŭnikoŭ. Kala 19.30 dzicia vypała z akna kvatery, raźmieščanaj na 7-m paviersie. Sa šmatlikimi traŭmami małoha, jakomu było ŭsiaho dva z pałovaj hady, dastavili ŭ abłasnuju kliničnuju balnicu.
Pryčynaj trahiedyi stała biesturbotnaść: baćki pakinuli kala akna łožak, pa jakim mały zalez na padakońnik i abapiorsia na maskitnuju sietku.
U hety čas doma była tolki babula. Razam z unukam jany pajšli ŭ vannuju, ale pakul pažyłaja žančyna zajmałasia spravami, dzicia nieprykmietna vybrałasia ŭ pakoj. Kali jana zaŭvažyła źniknieńnie, chłopčyk užo lažaŭ unizie na hazonie.
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary