Jak na poŭnačy Biełarusi ratujuć adno z samych bujnych vierchavych bałot u Jeŭropie FOTY
Zakaźnik Jelnia — adno z samych bujnych vierchavych bałot u kantynientalnaj Jeŭropie. Jaho płošča bolšaja za 23 tysiačy hiektaraŭ. Zapasy vady aceńvajuć u 450 miljonaŭ kubičnych mietraŭ, heta 2/3 zapasaŭ najbujniejšaha ŭ Biełarusi voziera Narač.
Praciahłaść zakaźnika z poŭnačy na poŭdzień składaje 19 kiłamietraŭ. Z zachadu na ŭschod — 17 kiłamietraŭ.
Zakaźnik Jelnia źjaŭlajecca važnaj tranzitnaj placoŭkaj dla adpačynku kala 98 vidaŭ roznych ptušak, 23 ź jakich zaniesienyja ŭ Čyrvonuju knihu.
Usie aziory na terytoryi zakaźnika majuć asablivy skład vady. Dla jaje ŭłaściva vysokaja kisłotnaść i nizkaje ŭtrymańnie kisłarodu. Tut vodzicca tolki drapiežnaja ryba: akuń i ščupak.
Asnova bałota — raślina sfahnum (moch). Jana ŭtrymlivaje vadu. Taksama heta mocny antysieptyk.
Bałota bahataje i na jahady.
U 30-yja hady minułaha stahodździa terytoryja zakaźnika naležała Polščy. Za miežami Jelni pracavali roznyja pradpryjemstvy, i kab zabiaśpiečyć ich elektryčnaściu la rek pastavili nievialikija hidraelektrastancyi. Ale vady nie chapała. Kab pavialičyć jaje kolkaść, vyrašyli vykapać kanały na terytoryi zakaźnika Jelnia.
Praź źmieny ŭ klimacie bałoty na terytoryi zakaźnika z časam pačali vysušvacca i hareć. Samyja bujnyja pažary adbyvalisia z 1992 pa 2002 hod.
U 2007-2008 hadach pradpryjemstva «Koka-Koła Bievrydžyz Biełaruś» padtrymała inicyjatyvu hramadskaha abjadnańnia «Achova ptušak Baćkaŭščyny» zakryć pratoki vady pieramyčkami i płacinami. Siońnia na terytoryi zakaźnika kala sotni płacin, dziakujučy jakim pažary skončylisia.
Ciapier u zakaźnika inšaja prablema. Vysachłyja tarfianiki źjaŭlajucca mahutnaj krynicaj vuhlakisłaha hazu, vykidy jakoha zaškalvajuć pry pažarach.
U vilhotnym stanie tarfianiki na zabałočanych terytoryjach absarbujuć liški dvuchvokisu vuhlarodu. U vyniku daśledavańniaŭ vyśvietlili, što adnaŭleńnie hidrałahičnaha režymu Jelni dazvolić źnizić vykidy parnikovych hazaŭ na 8,2 miljona ton. Ažyćciavić heta dapamahajuć prahramy AAN, Jeŭrasajuzu i pradpryjemstva «Koka-Koła Bieŭrydžyz Biełaruś».
Akramia finansavaj dapamohi, biełaruskaje pradstaŭnictva kampanii «Koka-Koła» štohod jeździć na terytoryju bałot, kab prybirać śmiećcie. Rybaki i turysty časta vykarystoŭvajuć vodna-bałotny kompleks dla adpačynku i pakidajuć paśla siabie hory śmiećcia. Hetym razam «Naša Niva» naviedała zabrudžanuju terytoryju razam z supracoŭnikami.
Ad horada Miory dabiracca da bałota daviałosia na viertalocie. Niahledziačy na toje, što bałota vierchavoje, terytoryja Jelni całkam niepradkazalnaja.
Pry padtrymcy AAN i Jeŭrasajuza biełaruskija ekołahi praviali daśledavańnie zakaźnika. Vyśvietliłasia, što pry adnaŭleńni hidrałahičnaha režymu i ekałahičnaj raŭnavahi vodna-bałotny kompleks Jelnia moža prynosić bolš za 30 miljonaŭ dalaraŭ prybytku štohod. Zapasy vady, jakaja maje asablivy skład, aceńvajucca ŭ 247 miljonaŭ dalaraŭ.
Ale ludzi, jakija tut adpačyvajuć, čamuści nie ceniać hetaha. Za hadzinu atrymałasia napoŭnić 300-kiłahramovy pakunak dla śmiećcia, jaki byŭ padčepleny na viertalot i vyviezieny.
Pry hetym zastavałasia jašče vielizarnaja kolkaść śmiećcia.
A vy zabirajecie z saboj śmiećcie paśla pachodu ŭ les ci na bałota? Kali nie, to čamu? Abmiarkoŭvajcie!
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary