Technałohii virtualnaj realnaści imkliva raźvivajucca, ale da apošniaha času biez admysłovych kantroleraŭ i manipulataraŭ było nie abyścisia. Pazbavicca ad niazručnych pryład dazvolać śpiecyjalnyja palčatki virtualnaj realnaści. Takija palčatki dazvalajuć kiravać virtualnymi pradmietami adnymi rukami.
Jašče dalej pajšła kitajskaja kampanija Dexta Robotics. Jana vypuściła revalucyjny pradukt Dexmo, jaki dazvalaje nie tolki ruchać virtualnyja pradmiety, ale i adčuvać dotykami ich formu i fizičnyja ŭłaścivaści. Na kožny palec dziejničaje zvarotnaja siła, jakaja imituje dotykavyja adčuvańni. Inakš kažučy, kali vy budziecie bačyć u virtualnaj realnaści humavuju kačku, vy zmožacie jaje paciskać. A voś virtualny kamień budzie zastavacca na dotyk ćviordym. Abjekt budzie adčuvacca tak, byccam jon znachodzicca ŭ rukach.
Kitajski startap Dexta Robotics raspracavaŭ 20 pratatypaŭ na praciahu dvuch hadoŭ, kab narešcie pryjści da kančatkovaj viersii.
U prodaž takija palčatki trapiać praź niekalki hadoŭ.
Zasnavalnik Dexta Robotics Aler Hu adznačyŭ, što kampanija ŭ dadzieny momant šukaje dadatkovych raspracoŭščykaŭ prahramnaha zabieśpiačeńnia, a taksama padtrymki z boku lidaraŭ rynku, kab paśpiachova intehravać pradukt u kamplekty virtualnaj realnaści. Hetyja lohkija i biespravadnyja palčatki možna budzie vykarystoŭvać u hulniach, adukacyi, miedycynie i ŭ prafiesijnaj padrychtoŭcy.
Na siońnia nieviadoma, kali pradukt vyjdzie na rynak i kolki jon budzie kaštavać. Ale ŭ lubym vypadku hetyja palčatki — sapraŭdnaja revalucyja ŭ śviecie virtualnaj realnaści.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja113
Kamientary