Sudovaja kalehija pa kryminalnych spravach Bresckaha abłasnoha suda na vyjaznym pasiadžeńni ŭ Baranavičach 1 vieraśnia vyniesła prysud 52-hadovamu niepracujučamu miascovamu žycharu, jaki zabiŭ piensijaniera i rasčlaniŭ jaho cieła.
Jak paviedamiła staršy prakuror adździeła prakuratury Bresckaj vobłaści Nadzieja Niekraševič, jakaja padtrymlivała dziaržaŭnaje abvinavačańnie pa spravie, złačynstva było ŭčyniena ŭ Baranavičach u noč z 16 na 17 sakavika ŭ kvatery 67-hadovaha mužčyny. Jon byŭ hramadzianinam ZŠA i žyŭ z 2012 hoda ŭ Baranavičach, majučy dazvoł na žycharstva ŭ Biełarusi.
Abvinavačvany, znachodziačysia ŭ kvatery piensijaniera, ź jakim raniej paznajomiŭsia ŭ kazino, zadušyŭ jaho. Potym pieranios cieła ŭ vannuju i rasčlaniŭ. Zatym vyviez na asabistym aŭtamabili na pustku. U chodzie śledstva i na sudovym pasiadžeńni abvinavačvany śćviardžaŭ, što pryčynaj zabojstva stali niehatyŭnyja vykazvańni amierykanca pra kiraŭnika biełaruskaj dziaržavy i narod krainy.
Mužčyna vykraŭ majomaść svajoj achviary na ahulnuju sumu kala 40 młn niedenaminavanych rubloŭ. Taksama zabraŭ dazvoł na žycharstva ŭ Biełarusi, jaki naležyć piensijanieru, a potym jaho spaliŭ.
18 sakavika ŭ pravaachoŭnyja orhany źviarnułasia žonka piensijaniera z zajavaj ab nieviadomym źniknieńni muža. Jana žyvie ŭ Baranavičach ź ich niepaŭnaletnim synam u inšaj kvatery.
U hety dzień žančyna prychodziła ŭ kvateru da muža, zaniepakojenaja tym, što jon nie adkazvaje na zvanki.
22 sakavika 52-hadovaha mužčynu zatrymali pa padazreńni ŭ zabojstvie, była vyjaŭlena i kanfiskavana vykradzienaja majomaść.
Sudovaja kalehija pa kryminalnych spravach Bresckaha abłasnoha suda pryznała jaho vinavatym u zabojstvie (č. 1 art. 139 KK), kradziažy (č. 1 art. 205 KK), kradziažy dakumienta (art. 378 KK).
Pa sukupnaści złačynstvaŭ abvinavačvanamu pryznačana 10 hadoŭ pazbaŭleńnia voli ŭ kałonii ŭzmocnienaha režymu.
Ź jaho spahnana pa 7 tysiač denaminavanych rubloŭ u jakaści materyjalnaha pakryćcia maralnaj škody na karyść žonki i syna zabitaha mužčyny. Aŭtamabil «Opiel-Viektra», na jakim abvinavačvany vyviez rasčlanionaje cieła i vykradzienuju majomaść, kanfiskavany ŭ dachod dziaržavy.
Raniej mužčyna sudzimy nie byŭ. Prysud jašče nie nabyŭ moc i moža być abskardžany.
Jak adznačyła Niekraševič, prakuraturaj vobłaści paśla vyvučeńnia sudovaha rašeńnia budzie razhledžana pytańnie ab pryniasieńni apielacyjnaha pratestu na kvalifikacyju dziejańniaŭ fihuranta kryminalnaj spravy i, jak śledstva, miakkaść pakarańnia.
Abvinavačańnie prapanoŭvała pryznać mužčynu vinavatym: u zabojstvie, źviazanym z razbojem (p. 12 č. 2 art. 139 KK), razboi z kradziažom majomaści ŭ bujnym pamiery (č. 3 art. 207 KK), u kradziažy i źniščeńni asabistaha dakumienta zahinułaha ( art. 378 KK) i kančatkova pryznačyć 20 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami36
Kamientary