Apieratary suviazi buduć pilna praviarać źviestki abanientaŭ pry padklučeńni
Biełaruskija apieratary suviazi ciapier buduć abaviazany pry padklučeńni praviarać dadzienyja abanientaŭ u sistemie MUS. Pastanova ab hetym apublikavana na sajcie Pravo.by.
Zhodna z dakumientam, pry zaklučeńni damovy ab akazańni pasłuh elektrasuviazi paćvierdžańnie nieabchodnych źviestak pra abanienta pavinna prachodzić z vykarystańniem infarmacyi, jakaja źmiaščajecca ŭ aŭtamatyzavanaj sistemie «Pašpart», uładalnikam jakoj źjaŭlajecca Ministerstva ŭnutranych spraŭ Biełarusi.
«Paćviardžeńnie źviestak pra abanienta ažyćciaŭlajecca ŭ režymie realnaha času z dapamohaj ahulnadziaržaŭnaj aŭtamatyzavanaj infarmacyjnaj sistemy», havorycca ŭ pastanovie.
Apieratary buduć praviarać proźvišča, ułasnaje imia, imia pa baćku (pry najaŭnaści), identyfikacyjny numar, sieryju dakumienta, a taksama jaho numar. Z dapamohaj bazy apieratary zmohuć vyśvietlić, ci sapraŭdny dakumient, pa jakim sprabuje padklučycca abanient.
Pravierku treba pravodzić pry padklučeńni hramadzian Biełarusi, a taksama zamiežnych hramadzian i asob biez hramadzianstva, jakim va ŭstanoŭlenym zakanadaŭstvam paradku vydadzieny ŭ Biełarusi dakumient.
Pastanova zakranie ŭsich apierataraŭ elektrasuviazi za vyklučeńniem tych, jakija akazvajuć pasłuhi tolki pa raspaŭsiudzie prahram televizijnaha viaščańnia i (abo) radyjoviaščańnia. Niekatoryja apieratary pačali ŭžyvać hetuju sistemu jašče da źjaŭleńnia pastanovy.
Pastanova ŭstupaje ŭ siłu z 18 vieraśnia 2016 hoda. U hety ž dzień u siłu ŭstupić pastanova, pavodle jakoha apieratary i internet-pravajdery buduć abaviazany vyjaŭlać trafik IP-telefanii i błakavać jaho pry vyjaŭleńni parušeńniaŭ paradku propusku.
Ciapier čytajuć
Łukašenka zajaviŭ pra hatoŭnaść pryjechać u Kijeŭ74
Kamientary