Alaksandr Łukašenka padpisaŭ ukaz, jaki praduhledžvaje karekciroŭku hienieralnaha płana Minska z prylehłymi terytoryjami i niekatoryja pytańni jaho realizacyi, paviedamiła 15 vieraśnia pres-słužba prezidenta.
Asnoŭnyja pałažeńni novaha płana horadabudaŭničaha raźvićcia stalicy da 2030 hoda «aktualizujuć horadabudaŭničuju palityku terytaryjalnaha raźvićcia i prahnozna-metavyja pakazčyki, uklučajučy pavieličeńnie nasielnictva da 2 młn čałaviek i žyllovaha fondu da 52.265 tys. kv. m».
U novaj redakcyi praduhledžvajecca stabilizacyja kolkaści nasielnictva i aptymizacyja abjomaŭ žyllovaha budaŭnictva ŭ stalicy ŭ miežach isnujučaj administracyjna-terytaryjalnaj miažy horada, jakaja vyznačanaja jak miaža pierśpiektyŭnaha raźvićcia Minska da 2030 hoda, a taksama z ulikam čakanaha demahrafičnaha pryrostu raśsialeńnie 100-120 tys. čałaviek u haradach-spadarožnikach.
U adpaviednaści z hienpłanam budaŭnictva sacyjalna zapatrabavanaha žylla budzie praciahvacca na svabodnych terytoryjach. Kompleksy žyłoj zabudovy buduć stvaracca na vyzvalenych vytvorčych terytoryjach, a taksama na terytoryjach znosu siadzibnaj i małapaviarchovaj zabudovy ź vialikim fizičnym i maralnym znosam.
Raźvićcio horadaŭtvaralnaj bazy Minska budzie zabiaśpiečvacca «ŭ vyniku zachavańnia horadabudaŭničaha patencyjału 4,4 tys. ha terytoryj, zaniatych pradpryjemstvami horada». Reziervavańnie kala 300 ha vytvorčych terytoryj «dazvolić stvaryć pracoŭnyja miescy ŭ novych žyłych rajonach Notynhiem i Zialony Bor».
Zapłanavanaje budaŭnictva novych haradskich i rajonnych parkaŭ na płoščy bolš za 2 tys. ha. U skład pryrodna-łandšaftnaha kompleksu stalicy budzie ŭklučana kala 2 tys. ha lesaparkavych terytoryj z paŭdniova-ŭschodniaha boku Minskaha mora, «što daść mahčymaść kampiensavać deficyt azialenienych terytoryj dla žycharoŭ pieryfieryjnych rajonaŭ horada».
Novaja redakcyja hienieralnaha płana praduhledžvaje farmiravańnie «efiektyŭnaj radyjalna-kalcavoj struktury mahistralnych vulic i daroh i ŭdaskanaleńnie sistemy pasažyrskich znosin šlacham raźvićcia ŭsich vidaŭ haradskoha i pryharadnaha pasažyrskaha transpartu i strymlivańnia rostu abjomu pierasoŭvańnia na lehkavym aŭtatransparcie». Pryjarytetnaje raźvićcio atrymajuć rejkavyja vidy pasažyrskaha transpartu: mietro, tramvaj i čyhunačny transpart.
Ukaz praduhledžvaje raspracoŭku horadabudaŭničaha prajekta śpiecyjalnaha płanavańnia na terytoryju, prylehłuju da pierśpiektyŭnaj haradskoj miažy da druhoj kalcavoj aŭtamabilnaj darohi vakoł Minska. «Hety prajekt vyznačyć intensiŭnaść vykarystańnia, funkcyjanalnaje zanavańnie, inšyja rehłamienty horadabudaŭničaha asvajeńnia, paradak viadzieńnia Minskim abłvykankamam i Minskim harvykankamam horadabudaŭničaj dziejnaści», — adznačajecca ŭ relizie.
Apošni raz hienpłan Minska z udziełam Łukašenki abmiarkoŭvałasia 2 vieraśnia. Jon zaklikaŭ prysutnych pakinuć paśla siabie «pryhožy i hodny horad».
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć34
Kamientary