Pravaachoŭniki zatrymali słužbovych asob ź liku čyhunačnikaŭ, jakija krali dyzpaliva prosta z cysternaŭ na šlachach ŭ stalicy, paviedamlaje HUUS Minharvykankama.
Siem słužbovych asob čyhunačnaj stancyi i słužbovaja asoba BČ źlivali paliva z čyhunačnych cysternaŭ na padjaznych šlachach da adnoj z pramysłovych zon stalicy. Salarka naležała RUP «Biełarusnafta-Minskaŭtazapraŭka».
Pracavali złamyśniki pa nastupnaj schiemie. Jany sustrakalisia ŭ zahadzia abumoŭlenym miescy, dzie znachodzilisia hružanyja cysterny, potym z dapamohaj instrumienta adkryvali viečka, a dyzielnaje paliva źlivali ŭ kanistry i vieźli na asabistych mašynach.
Darečy, u abaviazki rabotnika BČ uvachodziła papiaredžańnie, spynieńnie pravaparušeńniaŭ i kradziažoŭ, a taksama pryciahnieńnie pravaparušalnikaŭ da administracyjnaj adkaznaści.
Hrupa była zatrymanaja padčas čarhovaha kradziažu dyzpaliva. U ich kanfiskavali kala sotni kanistraŭ z haručym, a na achoŭnych kłapanach cysternaŭ byli vyjaŭlenyja ślady ŭskryćcia. Tolki ŭ hety raz złamyśniki sprabavali skraści paliva na sumu 2500 rubloŭ.
Pravaachoŭniki adpracoŭvajuć kanały zbytu vykradzienaha paliva, bo na naftabazie rehularna fiksavalisia roznyja abjomy niastačy, jakuju śpisvali za košt chibnaści vymiareńniaŭ naturalnaha źmianšeńnia paliva pry vypareńni.
U dačynieńni da zatrymanych raspačali kryminalnuju spravu pa častcy 2 artykuła 210 KK RB (Kradziež šlacham złoŭžyvańnia słužbovymi paŭnamoctvami), sankcyja jakoha praduhledžvaje da 4 hadoŭ pazbaŭleńnia voli. Viadziecca śledstva.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili31
Kamientary