Siryjcy nie atrymali nijakaj karyści ad humanitarnaj paŭzy, abvieščanaj rasijskimi vajskoŭcami ŭ horadzie Alepa. Pra heta zajaviŭ aficyjny pradstaŭnik Dziarždepartamienta ZŠA Džon Kirbi na bryfinhu ŭ Vašynhtonie, paviedamlajuć infarmahienctvy.
«Humanitarnaja paŭza była raźličanaja na što? Kab ludzi zmahli vyjści z horada, ale taksama, kab atrymali dapamohu. I jakuju dapamohu atrymali žychary? Nijakaj», — skazaŭ Kirbi.
Jon padkreśliŭ, što žychary Alepa pakutujuć ad hoładu, smahi i adsutnaści nieabchodnych miedykamientaŭ.
«Daje humanitarnaja paŭza efiekt ci nie, treba spytać u rasijan. Ale siryjski narod, asabliva žychary Alepa, biezumoŭna, nie adčuvajuć nijakaj karyści ad jaje», — skazaŭ pradstaŭnik dziarždepartamienta.
Raniej u AAN zajavili, što nie mohuć skarystacca adnabakovym pieramirjem, uviedzienym RF u Alepa, kab adpravić dapamohu va ŭschodniuju častku horada.
Kamientary