Pradaviec spartyŭnaha invientara z horada Varkaus (Finlandyja), viadomy ekśpiert pa łyžach Sami Chiejskanien (Sami Heiskanen) tolki što zajmieŭ cełuju kuču niezvyčajnych łyžaŭ. Da hetaj zimy jon pryvodzić u paradak łyžy prezidenta Biełarusi Alaksandra Łukašenki.
«Ja šlifuju łyžy Łukašenki ŭžo ŭ druhi raz. Dla jaho ŭ Aŭstryi na zavodzie Fisher byli vyrablenyja vydatnyja imiannyja łyžy premium-kłasa, jak u majstroŭ zbornaj Biełarusi. Padobna na toje, Łukašenka lubić końkovy chod, ja nie pamiataju ni adnoj zvyčajnaj pary łyž», — kaža Chiejskanien dla vydańnia Ilta Sanomat.
Siarod jaho klijentaŭ - zbornaja Biełarusi pa bijatłonie, hałoŭny trenier jakoj, Andryjan Cybulski - dobry znajomy Chiejskaniena.
«Hałoŭnym sponsaram kamandy źjaŭlajecca Łukašenka, heta značyć dziaržava. Tamu niama ničoha dziŭnaha ŭ tym, što i ŭ prezidenta na łyžni ŭsio pavinna być vyšejšaj jakaści», - nahadvaje Chiejskanien.
Chiejskanien, jaki šmat i z zadavalnieńniem zajmajecca biznesam z Rasijaj, zusim nie suprać taho, kab vieści jaho z Łukašenkam, abvinavačanym u parušeńniach pravoŭ čałavieka.
«Nie adčuvaju nijakich zhryzot sumleńnia. Mnie absalutna ŭsio roŭna, adkul klijent, tolki b jon płaciŭ hrošy. 40% prybytku zimoj 2013 hoda dali zakazčyki z Rasii. U mianie byli taksama klijenty ź Biełarusi », - raspaviadaje Chieskanien, jaki źjaŭlajecca ŭładalnikam firmy Sporttikojootti.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»62
Kamientary