Polski ministr Vaščykoŭski: Biełarusy nie ŭmiejuć pa-polsku? Dyk navučacca!
Ministar zamiežnych spravaŭ Polščy Vitald Vaščykoŭski skazaŭ na radyjo RMF FM, što Polšča abrazaje datacyju dla biełaruskamoŭnaha telekanału «Biełsat», bo «niama hrošaj na hetuju inicyjatyvu».
Pavodle Vaščykoŭskaha, pierad Polščaj ciapier paŭstali inšyja zadańni, u tym liku prablema «syryjskich uciekačoŭ».
Na repliku viadučaha, što «vy ciapier chočacie źviartacca da Biełarusi hołasam TV Polonia, heta značyć pa-polsku, a nia ŭsie ž biełarusy havorać pa-polsku, jak ni dziŭna», Vaščykoŭski adkazaŭ: «Dyk navučacca».
Kali viadučy nahadaŭ kiraŭniku zamiežnaj palityki Polščy niadaŭnija pachvały maršałka Senatu Polščy Stanisłava Karčeŭskaha na adras Alaksandra Łukašenki jak «ciopłaha čałavieka» i «paradku» ŭ Biełarusi, Vaščykoŭski skazaŭ:
«Ja taksama byŭ uražany, ja tam byŭ niekalki miesiacaŭ tamu. Ja byŭ u Miensku, byŭ u Horadni, byŭ u Vaŭkavysku, adkul pachodzić maja śviatoj pamiaci mama. Ja byŭ sapraŭdy ŭražany paradkam u Biełarusi».
Kamientary