U Hiermanii zapatrabavali ŭklučyć sasiski ŭ mieniu viehietaryjanskaha fiestyvalu
Haradskaja rada niamieckaha horada Kasiel vykazała abureńnie arhanizataram viehietaryjanskaha fiestyvalu z-za taho, što siarod pradstaŭlenych na mierapryjemstvie straŭ niama sasisak miascovaj vytvorčaści, piša VVS.
Padčas sustrečy z arhanizatarami padziei členy haradskoj rady zapatrabavali, kab kaŭbasy i inšaja miasnaja pradukcyja miascovych vytvorcaŭ była pradstaŭlenaja na fiestyvali.
Pa słovach pradstaŭnikoŭ haradskich uładaŭ, admova pradstavić miasnuju pradukcyju na viehietaryjanskim fiestyvali moža być rascenienaja jak niepavaha da miascovych tradycyj, a miascovaja syravendžanaja kaŭbasa źjaŭlajecca tradycyjnym praduktam paŭnočnaha Hiesena i dla žycharoŭ horada źjaŭlajecca nie tolki praduktam charčavańnia, ale i adnym sa składnikaŭ ich identyčnaści.
Arhanizatary fiestyvalu z ekałahičnaj arhanizacyi UmweltHaus zajavili, što pamiaškańnie, dzie budzie prachodzić fest, nie vielmi vialikaje, i miesca, kab ustalavać jašče niekalki pryłaŭkaŭ, niama.
Viehietaryjanski fiestyval u Kasiele projdzie ŭ krasaviku — u Dzień Ziamli.
Miascovyja ŚMI adznačajuć, što sprečka z nahody kaŭbasy i sasisak nosić zbolšaha palityčny charaktar. Chutka ŭ horadzie adbuducca vybary mera, i ciapier u Kasiele samy razhar pieradvybarčaj kampanii.
«Hetaje pytańnie vielmi mocna chvaluje žycharoŭ, mienavita tamu my nie možam jaho ihnaravać», — zajaviŭ kandydat na pasadu mera ad kansiervatyŭnaha Chryścijanska-demakratyčnaha sajuza Daminik Kalb.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary