Na siońniašni dzień Pietramovič zatrymany i znachodzicca pad śledstvam.
Mikałaj Pietramovič pracavaŭ namieśnikam kiraŭnika administracyi Partyzanskaha rajona, adkazvaŭ za ideałohiju. A jašče byŭ deputatam Minharsavieta, pryčym nie aby-jakim — partyjnym, ad praŭładnych kamunistaŭ.
Ale ŭ listapadzie 2016 hoda Pietramovič źnik adusiul. Na sajcie administracyi Partyzanskaha rajona infarmacyju pra jaho ŭžo prybrali. Chadzili čutki, što čynoŭnik-deputat nabraŭ hrošaj i źbieh z krainy.
U administracyi Partyzanskaha rajona adkazvali, što z 24 kastryčnika Pietramovič u ich bolš nie pracuje. Čamu raptam jon pakinuŭ pasadu, tłumačyć admaŭlalisia.
Ale sioleta ŭ pačatku sakavika stała viadoma, što Pietramoviča ŭsio ž znajšli pravaachoŭniki.
«Mikałaj Pietramovič zatrymany Śledčym kamitetam, — paviedamiŭ «Našaj Nivie» aficyjny pradstaŭnik Śledčaha kamiteta Alaksiej Klimovič, — U jaho dačynieńni pravodziacca śledčyja dziejańni».
Padrabiaznaści spravy śledčyja pakul nie ahučvajuć.
***
Mikałaj Pietramovič naradziŭsia ŭ 1978 hodzie ŭ Žyrovičach. Vučyŭsia na śledča-ekśpiertnym fakultecie Akademii MUS Biełarusi, u Maskoŭskim novym jurydyčnym instytucie. Skončyŭ Instytut dziaržaŭnaj słužby Akademii kiravańnia.
Raniej Pietramovič pracavaŭ načalnikam upraŭleńnia kadraŭ na minskim «Intehrale», uznačalvaŭ tam arhanizacyju BRSM.
Kali bałatavaŭsia ŭ miascovyja deputaty, ukazvaŭ u dekłaracyi siaredni zarobak za 2013 hod. Jak mieniedžar «Intehrała» jon atrymlivaŭ štomiesiac amal $1300.
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary