«KPB zastałasia pry ŭładzie», — sud adchiliŭ pazoŭ historyka Kuźniacova da «Kommunista Biełarusi» i Andreja Łazutkina
Sud Centralnaha rajona Minska abviaściŭ niehatyŭnaje rašeńnie na pazoŭ historyka Ihara Kuźniacova suprać Kamunistyčnaj partyi Biełarusi, hazety «Kommunist Biełarusi» i jejnaha aŭtara Andreja Łazutkina.
U niekalkich materyjałach na temu Kurapataŭ i stalinskich represijaŭ Andrej Łazutkin nazyvaŭ zajaŭnika «falsifikataram historyi, jaki atrymlivaje finansavańnie dla ažyćciaŭleńnia antydziaržaŭnaj dziejnaści», «pałkavym prapahandystam», jakomu «stalinskija represii mrojacca nia tolki pad kožnym kustom, ale i pad kožnaj pamyjnicaj».
Pierad padačaj isku ŭ sud Ihar Kuźniacoŭ u piśmovaj formie źviartaŭsia da adkazčykaŭ z patrabavańniem źniać hetuju infarmacyju z sajta, a taksama nadrukavać abviaržeńnie za dziesiacidzionny termin, ale adkazu nie atrymaŭ.
«Kampartyja zastałasia pry ŭładzie, — iranična pakamientavaŭ rašeńnie suda Ihar Kuźniacoŭ. — Budu abskardžvać u sudzie vyšejšaj instancyi».
19 krasavika na vychadzie z suda pieršy sakratar Kamunistyčnaj partyi Biełarusi Hieorhi Atamanaŭ vybiŭ z ruk telefon u pres-sakratara Biełaruskaj asacyjacyi žurnalistaŭ Barysa Hareckaha, kali toj sprabavaŭ jaho sfatahrafavać. Harecki padaŭ zajavu ŭ milicyju, jon bačyć u dziejańniach Atamanava naŭmysnaje chulihanstva.
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju5
Kamientary