Ahulny pamier premij, vypłačanych kampanijaj «Rośniefť» dziesiaci členam jaje praŭleńnia ŭ pieršym kvartale 2017 hoda, u sto razoŭ pieravyšaje pamier vypłaty za studzień-sakavik papiaredniaha hoda, paviedamiła hazieta «Viedomosti».
Zhodna z kvartalnaj spravazdačaj, apublikavanaj na sajcie kampanii, ahulny pamier vypłačanych u pieršym kvartale 2017 hoda členam praŭleńnia «Rośniefti» premij skłaŭ bolš za 1,454 młrd rub. Na hod raniej hetaja suma składała tolki 14,663 młn rasijskich rub.
U spravazdačy adznačajecca, što premii ŭ studzieni-sakaviku 2017 hodu byli vypłačanyja za «paśpiachovuju realizacyju bujnych, stratehična značnych prajektaŭ, a taksama ŭ suviazi z uznaharodžańniem dziaržaŭnymi ŭznaharodami Rasijskaj Fiederacyi».
Pradstaŭnik «Rośniefti» rastłumačyŭ, što ŭ pieršym kvartale členam praŭleńnia kampanii była vypłačana premija za realizacyju ździełak pa vykupie ŭ dziaržavy 50,08% akcyj «Bašniefti» i prodažy inviestaram 19,5% samoj «Rośniefti».
«Ździełka była praviedziena va ŭmovach biesprecedentna ciažkaj kanjunktury i ŭ samyja karotkija terminy», — adznačyŭ pradstaŭnik «Rośniefti», admoviŭšysia ŭdakładnić, kolki top-mieniedžaraŭ atrymali premii i ci akazaŭsia siarod ich hałoŭny vykanaŭčy dyrektar kampanii Ihar Siečyn.
U skład praŭleńnia «Rośniefti» ŭvachodziać dziesiać čałaviek: kiraŭnik kampanii Ihar Siečyn, vice-prezident pa kadravych i sacyjalnych pytańniach Juryj Kalinin, pieršy vice-prezident Eryk Morys Liron, vice-prezident — kiraŭnik słužby ŭnutranaha aŭdytu Hienadź Bukajeŭ, vice-prezident pa pierapracoŭcy, naftachimii, kamiercyi i łahistycy Dydźje Kasimira, finansavy dyrektar Piotr Łazaraŭ, vice-prezident pa ŭnutranym servisie Juryj Naruševič, vice-prezident pa šelfavych prajektach Zielko Ruńje, vice-prezident — kiraŭnik aparata Juryj Kurylin i vice-prezident pa enierhietycy, łakalizacyi i inavacyjach Andrej Šyškin.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary