Iłan Mask apublikavaŭ płan asvajeńnia Marsa: «Na Ziamli čałaviectvu nieminuča pahražaje vymirańnie»
Kiraŭnik SpaceX Iłan Mask ličyć, što ludziam rana ci pozna ŭsio adno daviadziecca pierasialacca na inšuju płanietu, bo na Ziamli čałaviectvu nieminuča pahražaje vymirańnie, tamu da vychadu ŭ kosmas i žyćcia na Marsie varta padrychtavacca zahadzia.
U svaim artykule Mask paviedamiŭ, što SpaceX płanuje adpravić na Mars karabiel Dragon 2 užo praz dva hady. U 2020 hodzie, akurat kali ŭ Minsku adkryjuć čatyry stancyi treciaj linii mietro, da Marsa startuje jašče adna misija, a jašče praź niekalki hadoŭ adbudziecca pieršy piłatavany palot.
Da pierasialeńnia na Mars treba vyrašyć jašče šmat pytańniaŭ. Zaraz, naprykład, varta padumać ab źnižeńni cany kaśmičnych palotaŭ da 200 tysiač dalaraŭ — heta dazvolić zrabić ich bolš dastupnymi dla ludziej. Pa słovach kiraŭnika Space X, kampanija ŭžo pracuje ŭ hetym napramku, vyvučajučy mahčymaści dla stvareńnia šmatrazovaha praktyčnaha transpartu dla kaśmičnych palotaŭ.
Akramia prablemy z transpartam, spatrebicca vyrašyć jašče šmat pytańniaŭ, źviazanych z doŭhim znachodžańniem čałavieka ŭ kosmasie. Naprykład, pakul niezrazumieła, jak pamienšyć niehatyŭnaje ŭździejańnie kaśmičnaha vypramieńvańnia na čałavieka.
Značnaja častka artykuła taksama pryśviečanaja apisańniu techničnych charaktarystyk šatłaŭ dla palotaŭ na Mars i inšaha kaśmičnaha abstalavańnia.
Kamientary