«U Šabanach niama pjanych ludziej, tamu što ŭsie buchajuć na inšych rajonach». Praviły žyćcia minskich kvartałaŭ

Aŭtary prajekta chočuć sabrać nie mienš za tysiaču łakalnych bajek ci partretaŭ typovaha žychara minskich rajonaŭ.

Šabany

Pavialičyć

Adziny pracujučy lichtar u Zavodskim rajonie horada vyratavaŭ bolš ludziej, čym usia milicyja horada ahułam. Vola

Pra isnavańnie milicyi ŭ Šabanach možna zdahadacca, tolki ŭbačyŭšy ich pastarunak. Kali vy ŭbačyli milicyjanta na vulicy, to chutčej za ŭsio adbyłasia niejkaja raźnia ci inšaja dzič. Vadas

Voś usie kažuć, što Šabany — samy stromny rajon. Ale niapraŭda ŭsio heta. Voś niadaŭna byŭ tam: ničo tak, novaja kurtka i mabilny. Bib

U Šabanach niama pjanych ludziej, tamu što ŭsie buchajuć na inšych rajonach. Vadas

Nie pi z-pad kranu — kaźlaniatam zrobišsia. Alena Ja

Čyžoŭka

— Ja z Čyžoŭki.

— Ajoj, čaho ž pahražać adrazu?

Arciom

U kinateatry «Družba» pakazvajuć tolki adzin film — «Apakalipsis siońnia». Alaksiej

— Złamaŭ ruku ŭ dvuch miescach…

— Oho! Dzie?

— U Čyžoŭcy i Sierabrancy.

Siuzana

Kožny žychar Čyžoŭki maje prava pakinuć sochnuć na vulicy śviežavymyty dyvan. Voś tolki lepš nie adychodzić ad jaho na pakuryć, inakš nie budzie bolš u vas dyvana. Volha

Chočaš kulturna adpačyć viečarkom u piatnicu, ale nadvorje nie vielmi, altanka, abmatanaja plonkaj suprać luboha źniešniaha ŭździejańnia, čakaje ciabie! Śniežań

Łošyca

Pavialičyć

U Łošycy-2 isnuje lehienda, što niedzie pobač jość park. Vizi

Kožnuju ranicu zmožaš pračynacca pad «ržańnie» koniej pad voknami! Ampier

Kali bačycie, jak nasuprać «Hipa» pasucca koni, značyć, vy amal dasiahnuli 37-j palikliniki. Darja

Možna dajechać da pracy na elektryčcy. Nu albo pieradumać i adrazu na lecišča. Aryna

U Łošycy navat hałuby nie śmieciać — ich niama. Aryna

Kamaroŭka

Letam budźcie ŭvažlivymi, nie budzicie ŭ dvarach kamaroŭskich hruzčykaŭ. Jany prosta vielmi stamilisia. Jkbandit

Kamary — daj pa manietcy ŭsim paprašajkam i stanavisia z kraju nastupnym. Shatenka

Kali idziacie pa płoščy pierad Kamaroŭkaj, sypcie siemačkami i budziecie ptušynym uładarom. Mikita Łahavy

19-y abo «Dzieviatnaryk» — hałoŭny aŭtobus, jaki jeździć mima Kamaroŭki. I tak, jon nikoli nie byvaje z harmonikam. Ni-ko-li. Tak što nabiarysia ciarpieńnia, kali budzieš jechać na im u hadzinu-pik. Eni

Žychary Kamaroŭki pabłažliva ŭśmichajucca, kali čujuć pra tusovačnuju vulicu niedzie pa-za Manietkaj. Alaksiej Vizi

Pavialičyć

Pavialičyć

Novaja Baravaja

Nie apuskajsia da Hienadzia. Zastavajsia čałaviekam! S. I.

Kožny maje prava być Hienadziem. I heta narmalna. Jahor

Kali nie viedaješ, chto taki Hienadź, lepš navat nie prychodzić. Jula

Zialony Łuh

U nas na Zialonym Łuzie navat bamžy i ałkašy lampavyja [dla tych, chto nie ŭ temie, — «miłyja» — NN]. A bližej da tramvajnych šlachoŭ uvohule samyja dalikatnyja ludzi ŭ śviecie. Arciom

Dla tych, chto žyvie ŭ panelcy. Kali nočču nie čuješ chrap susieda, schadzi i pravier, ci nie pamior. Maksim

Ty asablivy! Dla pradavački z «Jeŭraopta», kali siarod tvaich pakupak niama pivasika. Maksim

U soniečnaje nadvorje pryniata ličyć parašutystaŭ. Alaksiej

Carkva jość pryhožaja, vieličnaja takaja. Ale ŭ jaje ciabie, kaniečnie ž, nie puściać. Maksim

Kali budzieš łazić pa hrybkach na Cnie bieź piarcovaha bałončyka, budź hatovy być źbitym hopnikami. Alaksiej

Pavialičyć

Duch minskich vulic.

Kamiennaja Horka

U Kamiennaj Horcy asnoŭny vid transpartu — dziciačy vazok. Ihr

Kamiennaja Horka pachnie chłorkaj. Kirył

Vy nikoli nie zabudziecie hetuju harmaničnuju sumieś pachaŭ, bo tolki na Kamiency možna adčuć KFS, «Burhier Kinh», «Techas Čykien», a taksama pach Ždanovičaŭ, hnoju i śmietnicy, što haryć na prypynku. Pavieł

U Kamiennaj Horcy ŭsie pavinny padparadkoŭvacca školnikam u karonie z «Burhier Kinha». Alaksiej

Paśla ranišniaha praryvu ŭ mietro abaviazkova vypi kubačak kavy i ŭpeŭnisia, što ty jašče žyvy. Natalla

Anharskaja

Pavialičyć

Ty musiš być albo chutki, albo čotki. Andrej

Paŭnočny pasiołak. Kali ty žyvieš na Paŭnočnym, to viedaješ, što ŭsie, chto stvaryŭ rajonu durnuju reputacyju, albo siadziać, albo adsiadzieli, albo pamierli. Volha

Uvaha haściam Zavodskaha rajona! Kali vy idziacie pa tratuary i sustrakajecie na šlachu lažačaha čałavieka, prośba jaho abyści i nie turbavać. U jaho ŭčora byŭ ciažki dzień. Arkadź

Tak, usie tralejbusy jeduć da mietro. Tak, i hety taksama. I toj. Siadajcie na luby. Kali łaska. Vadzim

Ty viedaješ, što Paŭnočny pasiołak nasamreč znachodzicca na paŭdniovym uschodzie Minska. I što heta ŭvohule ŭ miežach MKADu. Volha

Kurasoŭščyna

Žyć pa susiedstvie z aŭtarytetam 90-ch — norma! Nastaśsia

Voś tak žyvieš u Kurasoŭščynie i kožnuju zimu nie možaš vyznačycca, chto kruciej: łyžnik ci snaŭbardyst. Kaciaryna

Kali čuješ hučny huł u niebie, nie padnimaj hałavy. Heta čarhovy IŁ lacić na Mačuliščy. Vadzim

Pry žadańni pieški pašpacyravać u susiednija rajony nieabchodnyja vydatnyja navyki pieraadoleńnia aharodžaŭ i pierabiahańnia čyhunačnych šlachoŭ. Čałaviek

U Kurasoŭščynie pierš čym pierabiehčy darohu na čyrvonaje śviatło, važna pierachryścicca pierad carkvoj. (Dačakajciesia zialonaha, kali łaska). Kacia

Z nasmarkam u Kurasoŭščynie žyć lahčej. Lizzy

Pavialičyć

Pavialičyć

Duch minskich vulic.

* * *

Prajekt inicyjavała Novaja Baravaja, žychary rajona vyrašyli stvaryć ułasnuju kanstytucyju — praviły žyćcia dla miascovych. Kanstytucyju apublikujuć u vyhladzie art-abjekta na centralnaj płoščy rajona. Arhanizatary spadziajucca, jon stanie miascovaj słavutaściu.

• 0
• 0
• 0
• 0
• 0
• 0
• 0
• 0