Žycharu Maładziečna 1987 hoda naradžeńnia pahražaje štraf da 10 bazavych vieličyń u adpaviednaści z artykułam 17.10 Kodeksa ab administracyjnych pravaparušeńniach Respubliki Biełaruś «Prapahanda i (abo) publičnaje demanstravańnie, vyrab i (abo) raspaŭsiudžvańnie nacysckaj simvoliki abo atrybutyki».
Jak raspavioŭ Kraj.baj namieśnik načalnika Maładziečanskaha RAUS, načalnik milicyi hramadskaj biaśpieki Jaŭhien Žylinski, 19 červienia materyjał pa hetaj spravie pieradali ŭ sud Maładziečanskaha rajona. 7 lipienia adbudziecca sudovaje pasiadžeńnie.
Supracoŭnikam milicyi małady čałaviek rastłumačyŭ, što tatuiroŭka ŭ jaho źjaviłasia ŭ 2004 hodzie. Pavodle jaho słoŭ, adbyvajučy pakarańnie ŭ adnoj z vypraŭlenčych ustanoŭ Biełarusi i budučy niepaŭnaletnim, jon zrabiŭ tatuiroŭku ŭ vyhladzie «słavianskaha simvała sonca».
- Mahčyma, nie ŭsie viedajuć ci pamiatajuć, što z ustupleńniem źmianieńniaŭ u Kodeksie ab administracyjnych pravaparušeńniach, za vyrab abo publičnaje demanstravańnie tatuiroŭki z vyjavaj nacysckaj simvoliki praduhledžanaja adkaznaść. Chaciełasia b pieraścierahčy hramadzian ad takich dziejańniaŭ, - adznačyŭ Jaŭhien Žylinski.
Pad nacysckaj simvolikaj abo atrybutykaj majucca na ŭvazie ściah, himn, emblema, vympieł, halštuk, nahrudny i apaznavalny znak Nacyjanał-sacyjalistyčnaj rabočaj partyi Hiermanii abo ich kopii.
Heta nie pieršy vypadak u Maładziečnie. U vieraśni minułaha hoda milicyjanty zatrymali mužčynu, jaki pryjšoŭ u kramu ŭ nacysckaj furažcy.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran
Kamientary