30 lipienia a 8 ranicy ŭ aršanskuju milicyju pazvanili z Centralnaj haradskoj balnicy i paviedamili, što da ich pryvieźli žančynu z ahniastrelnym ranieńniem. 42-hadovuju žycharku haradskoha pasiołka Bałbasava špitalizavali ŭ reanimacyju sa skraznym ahniastrelnym ranieńniem hrudnoj kletki.
Śledčyja, što prybyli na miesca zdareńnia, vyśvietlili, što ŭ žančynu strelili ŭ padjeździe jaje doma. Zrabiŭ heta znajomy, 44-hadovy biespracoŭny mužčyna. Jon źbieh.
Mužčynu pačali šukać. Milicyja prahladała zapisy videakamiery vakzałaŭ, praviali pieratrusy pa miescy žycharstva padazravanaha, jaho znajomych i svajakoŭ, a taksama ŭ miescach jaho mahčymaha źjaŭleńnia.
Na nastupny dzień u milicyju pazvanili — paviedamili, što ŭzbrojenaha padazravanaha bačyli na prypynku dyziel-ciahnika «Zorny».
Milicyja ačapiła prypynak. Padazravanaha adcisnuli na biaśpiečnuju adlehłaść ad ciahnika.
«Na nieadnarazovyja patrabavańni pravaachoŭnikaŭ zdać zbroju mužčyna nie reahavaŭ: razmachvaŭ strelbaj, nakiroŭvajučy jaje ŭ roznyja baki. Uličvajučy, što mužčyna znachodziŭsia ŭ hramadskim miescy i kateharyčna admaŭlaŭsia zdać zbroju, zatrymlivać jaho pryjechali supracoŭniki AMAPu. U vyniku, ŭzbrojeny mužčyna byŭ abiasškodžany i zatrymany na prypynačnym punkcie», — paviedamlajuć milicyjanty.
Papiarednie vyśvietlena, što mužčyna ŭ momant zatrymańnia byŭ pjany.
Ciapier ź im pracujuć śledčyja.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary