«Reaktyŭny šachied urezaŭsia ŭ moj dom». Rasijanie sprabavali kropkavym udaram zabić daradcu ministra abarony Ukrainy, śpiecyjalista pa radyjotechnałohijach
U dom Siarhieja Biaskrestnava — daradcy ministra abarony Ukrainy, śpiecyjalista pa radyjotechnałohijach, viadomaha pad pazyŭnym «Fłeš», — lacieli čatyry rasijskija bieśpiłotniki typu «šachied», zajaviŭ jon sam u fiejsbuku.
«Adzin kiravany reaktyŭny «Šachied» dalacieŭ i reznuŭsia ŭ ścianu majho doma. Doma ŭ mianie bolš niama. Mianie začapiła, ale hałoŭnaje — ja cudam žyvy», — napisaŭ Biaskrestnaŭ na svaich staronkach sacsietak.
Raniej kiraŭnik Kijeŭskaj abłasnoj vajennaj administracyi Mikałaj Kałašnik paviedamiŭ pra adnaho paciarpiełaha pry načnoj atacy na rehijon — mužčynu 1974 hoda naradžeńnia, stan jakoha aceńvajecca lekarami jak stabilny.
Siarhiej «Fłeš» Biaskrestnaŭ naradziŭsia ŭ 1974 hodzie.
Udar pa domie Biaskrestnava ŭ Bravarskim rajonie Kijeŭskaj vobłaści pakazvaje, što Rasija taksama ŭdaskanalvaje mahčymaści svaich dronaŭ. Jany zdolnyja nanosić i prycelnyja ŭdary. Raniej ataki dronaŭ nasili pieravažna vypadkovy, časam biesparadačny charaktar jak u vyniku ich niedaskanałaści, tak i pad uździejańniem ukrainskich sistem radyjoelektronnaj baraćby, jakija raźvivalisia ŭ tym liku pad kaardynacyjaj Biaskrestnava.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy70
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary