Hiermanija pieraaryjentuje svaju pramysłovaść z aŭtamabilnaha na abarončy siektar
Aŭtamabilnyja zavody pieraabstaloŭvajucca pad vytvorčaść uzbrajeńnia.
Hiermanija pieraaryjentuje svaju pramysłovaść z aŭtamabilnaha na abarončy siektar, piša The Wall Street Journal.
Niamieckaja aŭtavytvorčaść ciapier u samym praciahłym pieryjadzie stahnacyi z časoŭ Druhoj suśvietnaj vajny, bo zmahajecca z kankurencyjaj z boku Kitaja i padzieńniem popytu.
Mercedes-Benz paviedamiŭ pra padzieńnie prybytku na 49% za 2025 hod, u toj čas jak Volkswagen, druhi pa vieličyni aŭtavytvorca ŭ śviecie, zajaviŭ, što jaho prybytak źniziŭsia na 44% za toj ža pieryjad, i abviaściŭ ab płanach skaracić 50 000 pracoŭnych miescaŭ u Hiermanii da 2030 hoda. Navat u Porsche apieracyjny prybytak abvaliŭsia na 98% u paraŭnańni z 2024 hodam, jaki i biez taho byŭ adnym z najhoršych u jaho sučasnaj historyi.
Zaraz, kali amierykanskija harantyi biaśpieki vyhladajuć mienš peŭnymi, a Jeŭropa śpiašajecca pieraŭzbroicca, Bierlin pazicyjanuje siabie jak chrybiet abaronnaj pramysłovaści kantynienta.
Naprykład, kampanija Schaeffler, adzin ź viadučych suśvietnych pastaŭščykoŭ aŭtakampanientaŭ, jaki vyrablaje ŭsio — ad tranśmisij da padšypnikaŭ, — ciapier stanovicca važnym hulcom u abaronnym siektary. Kampanija ciapier vyrablaje ruchaviki dla dronaŭ, bortavyja sistemy dla braniatechniki i kampanienty dla vajennaj avijacyi.
Pa ŭsim pramysłovym pojasie Hiermanii zavadskija linii pieraabstaloŭvajucca pad miechanizmy jeŭrapiejskaha pieraŭzbrajeńnia.
Volkswagen viadzie pieramovy ź izrailskimi kampanijami z metaj pačać vytvorčaść kampanientaŭ dla izrailskaj sistemy «Žalezny kupał» da 2027 hoda. Šerah kampanij uviali trecija źmieny, kab štampavać zbroju i bojeprypasy dla Ukrainy. Rakiety-pierachopniki Patriot, jakija doŭhi čas byli vyklučna amierykanskim praduktam, nieŭzabavie pačnuć vyrablacca ŭ Hiermanii, kab zadavolić popyt, jaki rezka vyras.
Pavodle ŭradavych danych, amal 90% jeŭrapiejskaha vienčurnaha kapitału, inviestavanaha ŭ abaronnyja technałohii, idzie ŭ niamieckija kampanii.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy71
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
[Zredahavana]