Kaciaryna Andrejeva apublikavała pieršy dopis paśla vyzvaleńnia
Žurnalistka i byłaja palitźniavolenaja Kaciaryna Andrejeva napisała ŭ fejsbuku, jak prajšoŭ jaje miesiac paśla vyzvaleńnia i ci jana źbirajecca viartacca ŭ prafiesiju.
«Heta było nazaŭždy, pakul nie skončyłasia»
Tak nazyvałasia kniha, jakuju Ihar u adnym ź listoŭ u kałoniju raiŭ mnie pačytać, — piša Kaciaryna. — Namiok prazrysty: maŭlaŭ, nie paśpieješ zaŭvažyć, jak toje, što zdavałasia biaskoncym — rassypiecca ŭ imhnieńnie voka. Byŭ, chiba, hod 23-ci. Dla nas — najciažejšy i samy biezpraśvietny pieryjad: strata blizkaha čałavieka, chvaroby, moj druhi termin. Ale niedzie hłyboka, pad słojem ciemry, zachoŭvałasia maleniečkaja nadzieja na śviatło. Ihar nie davaŭ joj zhasnuć.
Siońnia miesiac, jak ja na voli. Źmianiłasia ci nie — vyrašajcie sami. Ciešusia, što razam sa mnoj vyjšli na svabodu maje siabroŭki i mnohija hodnyja ludzi — usie jany nie musili pravieści za kratami ni adnaho dnia.
Składana pavieryć, što ŭsio heta nasamreč adbyvałasia z nami. Baluča ŭśviedamlać, što bolšaja častka palitviaźniaŭ pa-raniejšamu zastajecca ŭ SIZA, turmach i kałonijach. U tym liku — žurnalisty. I moj Ihar.
«Moj muž…» — pieršyja słovy, jakija ja skazała amierykanskaj delehacyi na miažy. Paźniej, u zvarocie da Trampa, akramia padziaki za vyzvaleńnie čarhovaj partyi biełaruskich palitviaźniaŭ (i ŭłasnaje), u niepubličnaj častcy ja pieraličyła pajmienna tych, kaho viedaju asabista i za kaho balić serca. Spadziajusia, napieradzie nas čakajuć dobryja naviny. Bo kolki ž možna ŭžo kiepskich navinaŭ?
Časta pytajucca, ci budu pisać knihu. Pakul — nie, bo historyja nie skončanaja. Žyćcio atrymlivajecca nastolki bahatym na padziei, što łahična padsumavać užo ŭsio razam, bližej da staraści. (Jak u Daŭłatava, «žizń opieriežajet miečtu»).
Taksama pytajucca, ci chaču viarnucca ŭ prafiesiju. Adkaz vidavočny — tak. Žurnalistyka — častka majoj identyčnaści. Jak być žančynaj abo być biełaruskaj. Kažuć, žurnalisckaja praca ciapier mocna źmianiłasia? Nu, što ž, vyklik pryniaty. Adaptavacca da novych umovaŭ ja za hety čas navučyłasia.
Vialiki dziakuj usim za padtrymku. Jakoje ščaście — mieć takich kaleh i siabroŭ!
Dziakuj majoj mužnaj siamji — ciapier my viedajem, što možam usio».
Kaciaryna była zatrymana 15 listapada 2020 hoda paśla žyvoha efiru z Płoščy Pieramien u Minsku. Spačatku joj prysudzili dva hady kałonii (pa artykule 342 KK). Paśla — jašče vosiem hadoŭ i try miesiacy, abvinavacili ŭ «zdradzie dziaržavie» (č. 1 art. 356). Kaciaryna vyjšła na volu razam z partyjaj palitviaźniaŭ 19 sakavika 2026 hoda ŭ vyniku vizitu amierykanskaj delehacyi ŭ Minsk.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy68
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary
Tak, źmianiłasia ŭ horšy bok. A ja b lepš viarnuŭ takuju žurnalistyku, jakuju rabiła Kaciaryna Andrejeva.